फ्रेस अनुहार लिएर ‘चपली हाइट २’ निर्माण घोषणा, किन मोले दिपेन्द्रले यस्तो चुनौती


Filmy Kura, Feb 16, 2016 at 6:13 am

‘पशुपति प्रसाद’ निर्देशक दिपेन्द्र के खनालले फ्रेस अनुहार लिएर ‘चपली हाइट २’ निर्माणको घोषणा गरेका छन । अझै केही हलमा दोस्रो साता ‘पशुपति प्रसाद’ चलिरहदा उनले मोडल तथा भिजे आयुष्मान देशराज जोशी, मोडल मरिष्का पोखरेल र परमीता आर.एल रानालाई प्रमुख भुमिकामा लिएर चपली हाइटको सिक्वेल बनाउने भएका हुन् ।

राम्रो फिल्म दिने निर्देशकको सुचिमा अटाइ सकेका दिपेन्द्रले यस पटक भने फ्रेस अनुहार लिएर चुनौती मोलेका छन् । पत्रकारको जिज्ञासामा उनले यो फिल्म पहिलेको सिक्वेल जस्तो यौन मनोविज्ञानमा केन्द्रित नहुने बताएका छन् । रोमान्टिक थ्रिलर फिल्म बनाउने कोसिस रहन्छ उनले भने, ‘पशुपति प्रसादको कथा एउटा समाजको थियो भने यो अर्को समाजको अलि फरक कथा हो । जहाँ जेनेरेशन ग्यापबाट आउने सकारात्मक तथा नकारात्मक दुवै पाटोका सन्दर्भ जोडिने छ ।’

aayusman-parmita-mariska
(फिल्मको पोस्टर अनावरण गर्दै तीन नवकलाकार आयुष्मान, मरिष्का र परमीता)

फ्रेस अनुहार लिएर काम गर्नु उनको लागि आफैमा चुनौती छ कारण अब जो सँग काम गरेनी ‘पशुपति प्रसाद’ ले उनलाई राम्रो फिल्म दिने निर्देशकका रुपमा चिनाएको छ । उनले फिल्मको विषयवस्तु त्यस्तै भएकाले फ्रेस अनुहार लिएको बताउदै उनीहरुलाई सुहाउने क्यारेक्टर कस्तो हुन्छ ब्याक साइडमा रहेर अध्यन गरिरहेको बताए ।

पत्रकार भेटघाटमा बोल्दै तीनै जना नव कलाकारले यो टिमसँग काम गर्न पाएकोमा खुसी व्यक्त गर्दै आफुहरुले जति सक्दो राम्रो काम गर्ने बताएका छन् । अर्जुन कुमार र राजधानी मिडियाको प्रस्तुती ‘चपली हाइट २’ मा अर्जुन कुमारको लगानी रहनेछ । फिल्ममा शान बस्नेतको पटकथा तथा संवाद रहेको छ भने दीर्घ खड्काले सम्पादनको पाटो सम्हाल्ने छन ।


Leave a Reply

Your email address will not be published. Required fields are marked *

Related News

पल-पूजाको म यस्तो गीत गाउँछु २ ट्रेलर रिलिज (भिडियो)
कमेडी च्याम्पियन टोली देखि भुवन झरनाको नजरमा लभ डायरिज कस्तो ?
सेल्फी किङ्गको भव्य प्रिमियर, फिल्मलाई मिश्रित प्रतिक्रिया (भिडियो सहित)
प्रतिक्षित फिल्म प्रेमगीत ३ को गीत रिलिज, प्रदीप-क्रिष्टिनाको फरक अवतार