राहदानी, चलेपछि रोकिएला त म्यानपावरको मनोमानी ?


Filmy Kura, Feb 25, 2016 at 1:39 pm

बाध्यता र विवशताले अझै पनि खाडी मुलुक गएर पसिना चुहाउने नेपाली धेरै छन् । यो बीचमा खाडी मुलक जान चाहाने नेपालीलाई नेपाल सरकारले फ्रि भिसा र टिकटको व्यवस्था लागु गरेको भनिए पनि अझै केही म्यानपावरले लागत शुल्क बापत लाखौँ रुपैया उठाउने गरेका छन् । यहि यथार्थलाई चैत १२ गते रिलिज फिल्मले आफ्नो मुख्य विषय बनाएको छ । वैदेशिक रोजगारीका लागि जाँदा आइपर्ने उल्झनहरुलाई फिल्म ‘राहदानी’ ले पर्दा मार्फत दर्शकलाई सचेत त गराउने छ तर के यी म्यानपावर सञ्चालकको मनोमानीलाई पनि फिल्मले केही हद सम्म नियन्त्रण गर्न सक्ला ?

rahadaani

फिल्मले समस्याको समाधान त गर्ने होइन तर यो विषय यस्तै प्रवृतिको भएकाले हाल सञ्चालनमा रहेका धेरै म्यानपावरहरुमा सरकारले आखा नलगाउने हो भने दिन प्रतिदिन नेपाली ठगीने क्रम जारी नै रहिरहनेछ । आम नेपालीको मर्म बुझ्न सक्ने खालको फिल्म ‘राहदानी’ बनेको होला भनेर यतिबेला अनुमान गरिएको छ । कला र साहित्य सिर्जना मार्फत दुःख र उल्झन बिसाउने चौतारीको रुपमा फिल्म ‘राहदानी’ लाई लिइ रहदा नेपाल सरकारबाट यस्ता चलचित्र प्रति सहयोग हुनु आवश्यक छ । सेवा भावले खोलिएका थुप्रै म्यानपावरबाट पछिल्लो समय ठगीको काम भइरहेकोले यसप्रति सजग र सचेत रहन समेत फिल्मले भूमिका खेल्न सक्ने देखिन्छ ।

यस फिल्मका लेखक तथा निर्देशक रंग पत्रकार डब्बु क्षेत्री हुन् । दयाहाङ राई, अशोक रिजाल, नविन लम्साल, सिर्जना सुब्बा आदि कलाकारको ‘राहदानी’ मा अभिनय रहेको छ ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)