लगातार सविन, के सक्लान् दर्शक रिजाउन ?


Filmy Kura, Feb 29, 2016 at 3:49 pm

sabinनायक सविन श्रेष्ठले सोलो हिरोको रुपमा फिल्म धान्न सक्दैनन् भन्ने कुरा त फिल्म बजारमा बेलाबखत गाइगुई हुने गरेकै छ । यद्धपि उनले आफू अभिनित फिल्ममा अर्को सपोर्टेट हिरो बिना पनि दर्शक बटुल्न सक्छु भन्ने प्रमाणीत गर्न अति आवश्यक भइसकेको छ । कारण यो चैत्र महिना मात्र उनको हप्तै पिच्छे फिल्म रिलिज हुँदैछ । यहि कुरालाई मध्यनजर गरेर हेर्ने हो भने अहिले उनलाई कुन चाहि फिल्मको पब्लिसिटीका लागि दौडिउ भइरहेको छ ।

फागुनलाई समेत जोडेर हेर्ने हो भने १४ गते उनी प्रमुख भूमिकामा रहेको ‘खुर्पा’ रिलिजमा आयो । तर गाउँ घरमा आफ्नै घरमा हुने खुर्पा हेर्न दर्शक हल सम्म धाएनन् । शहरका मानिस झन के खुर्पा हेर्न आउथे बरु एडभान्स भइसके अरु नै हतियार प्रयोग गर्छौ भनेर घरमै बसे । यसको प्रत्यक्ष मार निर्मातालाई प¥यो । त्यति मात्र हैन सविन पनि त्यसका भागिदार बनिछाडे ।

अब जाउ चैत्र तिर । पहिलो सातामै उनी अभिनित दुई फिल्म एकैसाथ जुध्दैछ । ५ गते उनी ‘भाग सानी भाग’ मा सानी भगाउन तिर लाग्दैछन् भने ‘लक्ष्य’ पनि उही दिन रिलिज हुँदैछ । अब सविनको सानी भगाउने लक्ष्य पूरा गर्न दर्शक हल आएनन् भने त्यो त अधुरै रहने देखिन्छ । चैत्रको अन्तिम शुक्रबार या भनौ २६ गते ‘रामप्यारी’ रिलिज हुँदैछ उक्त फिल्ममा पनि सविनले अभिनय गरेका छन् । रेखा थापाका कारण सविनको नाम रामप्यारीमा खासै त्यति चर्चामा छैन । सविन यसमा केही छायाँमा परे जस्तो देखिन्छ । तर यसरी एक पछि अर्को फिल्ममा लगातार आइरहदा सविनले दर्शकलाई हल सम्म बाँधेर राख्न सकेनन् भने आएराम गएरामको लिस्ट भित्र सविनको पनि नाम सूचिकृत हुने पक्का छ ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)