देशैभर ड्रिम्स हाउसफूल, छायाँमा प¥यो फूलै फूलको मौसम तिमीलाई


Filmy Kura, Mar 4, 2016 at 2:42 pm

filmykura.com

फ्राइडे रिलिज अन्तर्गत दुई नेपाली सिनेमा मैदान उत्रिए । अनमोल केसी स्टारर फिल्म ड्रिम्स र नीता ढुङ्गाना अभिनित फूलै फूलको मौसम तिमीलाई ।

सबैभन्दा पहिला ड्रिम्सको कुरा गरौ । ड्रिम्स अर्थात सपना । शुक्रबार आक्रमक ओपनिङ गर्दै अनपेक्षित व्यापार गरेको छ यो फिल्मले । देशभरका सम्पूर्ण हलमा हाउसफूल भएको ड्रिम्सले मल्टिप्लेक्समा त आफ्नो छुट्टै पकड जमाएको छ ।

यस अघिका दुई फिल्म होस्टेल र जेरीबाट अनमोलले जुन क्रेज खडा गरेका थिए आज ड्रिम्स सम्म आइपुग्दा उनले ह्याट्रिक गर्न सफल भएका छन् । काठमाडौँका प्राय हल ड्रिम्स हेर्न आउने दर्शकले खचाखच देखिन्थ्यो । अनमोललाई मन पराउने एउटा युवा जमात त थियो नै तर समग्रमा यो फिल्मले भने सबै वर्गका दर्शकलाई हल सम्म तान्न सफल भएको छ ।

फिल्मका निर्देशक अनमोलका पीता भुवन केसी हुन् । जसरी फिल्ममा अभिनेताका रुपमा अभिनय गर्दा भुवनले तारिफ पाउथे त्यसरी नै आज पर्दा पछाडि एक्शन कट भनेर ड्रिम्स जस्तो राम्रो फिल्म निर्माण गरेको भनी दर्शकले उनलाई पनि क्रेडिट दिएका छन् । साच्चै भन्ने नै हो भने भुवन पछिल्लो समय फिल्म क्षेत्रमा गुमनाम जस्तै थिए । छोरा अनमोलको साहारामा उनले आफूलाई निर्देशकका रुपमा चिनाउन चाहन्थे । जुन सपना ड्रिम्सले आज साकार गरि दिएको छ ।

यति बेला अनमोल र भुवनलाई शुभकामना र बधाईको ओहिरो आइरहेको छ । दर्शकको उल्लेख्य माया र साथ बटुल्न सफल यस फिल्ममा अनमोलको अपोजिटमा रहेर न्यू फेस साम्राज्ञी लक्ष्मी शाहले अभिनय गरेकी छिन् । उनी पनि फिल्मको ग्रान्ड ओपनिङबाट दङ्ग छिन् ।
जुन पायो त्यति फिल्म नखेलर स्टारडमको महत्व बुझाउन खोजिरहेका अनमोल भविष्यका एक स्टार हुन भन्दा फरक पर्दैन । यति सम्म कि अब राम्रा कथामा कोही निर्माता लगानी गर्दैछ भने अनमोल जस्तो कलाकार लिदा फिल्मले घाटा व्यहोर्नु पर्दैन भन्ने अमिट छाप बसिसकेको छ ।

अब कुरा गरौ यहि फिल्म सगै रिलिज भएको फूलै फूलको मौसम तिमीलाईको । दिनेश डिसी निर्देशित यो फिल्मले खास दर्शक तान्न सकेन । ड्रिम्सले गर्दा फूलै फूलको मौसम तिमीलाई पूर्णतया छायाँमा परेको छ । नव नायक आमेश भण्डारी र नीता ढुङ्गानाको प्रमुख भूमिका रहेको यस फिल्मले स्लो व्यापार गरेको छ ।

हुन त फिल्म रिलिज पूर्व यति सम्म कि यसका निर्देशक दिनेश डिसीले अनमोललाई अभिनय नै गर्न नआउने हिरोको संज्ञा दिए । अनि भने त्यो भन्दा राम्रो अभिनय त मेरो फिल्मको हिरो आमेशले गर्छ । तर भइदियो उल्टो । आज अनमोलले राम्रो अभिनय नगरेको भए किन हल सम्म दर्शक तछाड मछाड गरेर हेर्न जान्थे त??? यो प्रश्न उनै दिनेश डिसीलाई छोडौ । उनको भाषामा भन्ने हो भने सायद अनमोलको क्युटनेसलाई हेर्न दर्शक गएका थिए होलान ।

सञ्चार क्षेत्रका लागि स्थापित र परिचित छन् दिनेश डिसी । तर फिल्म निर्देशकको हकमा भने यो पटक उनलाई लक लागेन । यस अघिको उनी निर्देशित फिल्म छ एकान छ सुपर डुपर हिट भएको थियो । यद्धपि यो पटक ड्रिम्स जस्तो फिल्मको सामना गर्नुपरेकाले फिल्मको ओपनिङ व्यापार स्लो हुन गएको हो । फूलै फूलको मौसम तिमीलाई सुपर न्याचुरल पावरमा आधारित प्रेम कथानक चलचित्र हो ।


One response to “देशैभर ड्रिम्स हाउसफूल, छायाँमा प¥यो फूलै फूलको मौसम तिमीलाई”

  1. Erisa Paudel says:

    Gud job dream

Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)