बलिउड शैलिमा विराजको पुनरागमन


Filmy Kura, Mar 14, 2016 at 4:53 pm

parshuramआइतबार दरबारमार्गमा रहेको एक होटलको बैठक कक्ष हेर्दा लाग्थ्यो त्यहा कुनै भिआइपी नै आउदैछ । पत्रकारको करिब दुई घण्टाको पर्खाइ पछि नायक विराज भट्ट हल प्रवेश गरे । हल निकै आकर्षक ढङ्गबाट सजाइएको थियो । त्यसको केही समय पछि महिला नेतृ डा. आरजु देउवा देखिइन् । सँगै थिइन नायिका निशा अधिकारी पनि । त्यसपछि त के भन्ने सबै मिडियाकर्मी यि तीन तर्फ क्यामेरा तेर्साउन थालिहाले ।

लाग्थ्यो कुनै बलिउड फिल्मको प्रेस मिट भइरहेछ । तर यो थियो नेपाली फिल्म जगतमा एक्सन स्टारका रुपमा परिचित उनै विराज भट्टको प्रमुख भूमिका रहने फिल्म ‘पर्शुराम’ को अफिसियल अनाउन्स्मेन्ट ।

नायक विराज भट्टको पाँच वर्ष पछि नेपाली फिल्ममा पुनरागमन भएको छ । उनको यो लामो ग्याप भोजपुरी फिल्म खेल्नाले भएको थियो । यद्धपि उनले भोजपुरी फिल्म भने खेल्न छोड्ने छैनन् । विराजको अपोजिटमा भने नायिका निशा अधिकारी रहनेछिन् ।

समारोहलाई सम्बोधन गर्दै विराजले नेपाली फिल्ममा अब पुनः सक्रिय भएर लाग्ने बताए । उनले ‘पर्शुराम’ मा एक्सन पात्रका रुपमा रहेको खुलाउदै पहिले झै सबै दर्शकबाट माया पाउने अपेक्षा व्यक्त गरे । यस अघि सफल फिल्म निर्माण गरेका रोज राणाले विराजको क्रेज ‘पर्शुराम’ मार्फत फर्काउने तयारी गरेका हुन् । यो फिल्मको भने रोज आफैले निर्देशन जिम्वेवारी सम्हाल्नेछन् ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)