लक्ष्यलाई सानीको कति चुनौती ?


Filmy Kura, Mar 18, 2016 at 12:21 pm

keki-sabin

यो शुक्रबार देखि लक्ष्य फिल्मले रिलिजको थालनी गरेको छ । एक्सन प्रधान भएकाले युवा जमात माझ लक्ष्यलाई मसलेदार फिल्मका रुपमा हेरिएको छ । विशेषत प्रेम र द्धन्द्धको समिश्रण रहेको यो फिल्ममा नायक सविन श्रेष्ठ एक्सन अवतारका रुपमा प्रस्तुत भएका छन् । विगतका फिल्मलाई हेर्ने हो भने सविनलाई लभस्टोरी भन्दा एक्सन प्रधान फिल्म नै फापेको छ । लक्ष्य बाट यी नायकले दर्शकको अत्याधिक माया र साथ पाउने लक्ष्य राखेका छन् ।

यता यस अघि थुप्रै फिल्ममा अभिनय गरिसकेकी नायिका अनु शाह सविनको जोडि बनेर लक्ष्यमा देखिएकी छिन् । उनले यो फिल्मलाई करियरको टर्निङ प्वाइन्टको रुपमा हेरेकी छिन् । फिल्मबाट उनी निकै आशावादी छिन् । अर्की नव नायिकाको कुरा गर्ने हो भने सारिका केसी लक्ष्य मार्फत नै सशक्त र जोडदार अभिनय गरेर दर्शकमाझ क्लिक हुने सुरुमा छिन् । लक्ष्य फिल्म मार्फत आफ्नो बास्तविक जीवनको लक्ष्य साकार हुनेमा उनी ढुक्क छिन् ।

फिल्मका निर्देशक मिलन आले मगर हुन् । आफ्नो निर्देशकीय क्षमता लक्ष्य मार्फत भरपुर देखाउने कोसिस मिलनले गरेका छन् । लक्ष्यमा लगानी गर्ने ओमलाल गुरुङ हुन् । उनले पनि फिल्मको विषयवस्तु अनुसार दिल खोलेरै पैसा खन्याएका छन् ।

यता सोहि मितिबाट अर्को फिल्म भाग सानी भागले पनि रिलिज आरम्भ गरेको छ । सोसियल ड्रामामा आधारित फिल्मको लिड रोलमा सानी अर्थात केकी अधिकारीलाई देख्न सकिन्छ । केकी छोटो समयमा धेरै फिल्म खेल्ने हिरोइनमा पर्छिन् तर उनी अभिनित फिल्मले हाल सम्म हलहरुमा अधुम मच्चाउन सकेको छैन । सानी अर्थात उनै केकीलाई साथ दिएका छन् सविन श्रेष्ठले ।

साढे दुई घण्टा हलमा मनोरञ्जनको गतिलो खुराक बनेर भित्रिएको भाग सानी भागलाई चेतन सापकोटाले निर्माण गरेका हुन् । यसअघि केही सफल सिनेमा दिने नवल नेपालले भाग सानी भागलाई निर्देशन गरेका छन् ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)