२०७३ मा जीवनको पहिलो रिलिज फिल्म बाजीगर, जंगे सँग हुनेछ महाभिडन्त


Filmy Kura, Mar 27, 2016 at 5:20 pm

suraj-jiwan

२०७३ सालमा नायक जीवन लुइँटेलको पहिलो रिलिज फिल्म ‘बाजीगर’ हुनेछ । यो साल उनले अभिनय गरेका जति पनि रिलिज फिल्म छन् तीनले कुनै माहोल तताउन सकेन । करिब ६ महिनाको ग्याप पछि जीवनले आज मिडिया सामु क्यामेरा फेस गरे ‘बाजीगर’ फिल्मको प्रेस मिट मार्फत ।

Bazigar

बैशाख १७ रिलिज डेट तय भएको फिल्ममा जीवन एक्शन भूमिकामा देखिएका छन् । फिल्मीकुरा सँगको वार्तालापमा जीवनले ‘बाजीगर’ मार्फत नयाँ वर्षमा दर्शकमाझ गतिलो उदाहरण पेस गर्ने तवरले प्रस्तुत हुने बताए । उनले भने, ‘मेरो क्यारेक्टरले त्यो कुराको प्रमाणित गर्नेछ । यो वर्ष मेरा फिल्म खासै चलेनन् । बाजीगरले राम्रो सुरुवात अवश्य गर्नेछ ।’

नेपाल र अमेरिका गरिरहने जीवनले अरु कलाकार जस्तो उतै बस्ने हिसाबले आफू नभासिने समेत स्पष्ट पारे । फिल्म कै लागि विदेश आउने जाने क्रम चलिरहेको जीवनको भनाइ छ । जीवन प्रमुख भूमिकामा रहेको फिल्म ‘बाजीगर’ को सुरजसिंह ठकुरी अभिनित ‘जंगे’ सँग महाभिडन्त पर्ने पक्का छ । बाजी कसले मार्ला फिल्मी बजारमा दुई खेमामा छुट्टिएर चलचित्रकर्मी तथा पत्रकारले अनुमान लगाइरहेका छन् ।

शेखर कोइराला प्रस्तुतकर्ता रहेको ‘बाजीगर’ मा जीवन सँगै अनु शाह, संजोग कोइराला, निश्मा घिमिरे लगायतका कलाकारको अभिनय रहेको छ । भलै शेखर नेपाली फिल्मका लागि पुराना र अनुभवी निर्माता भए पनि केही समय पहिले रिलिज फिल्म ‘उत्सव’ बाट भने चुर्लुम्म डुबेका थिए । संजोग कोइराला उनको आफ्नै छोरा हुन् । बाउको बिडो थामेर हिड्न खोजिरहेका संजोगलाई पहिलो गासमा ढुङ्गा भने जस्तै भयो तर उनी यो पटक भने निकै आशावादी छन् । फिल्ममा बाजी जीवन सँग परेपनि संजोगले यो पटकको बाजी भने दर्शकमाझ क्लिक हुनका लागि जसरी पनि जित्नै पर्ने देखिन्छ ।

यता अनु शाह पनि हातमा फिल्म भइकन, अभिनय गरिकन पनि कुन स्थानमा छिन् आफै अनविज्ञ जस्तै छिन् । हाल सम्म राजेश हमाल, निखिल उप्रेती जस्ता स्टार सँग स्क्रिन सेयर गर्न पाए पनि कुनै चर्चा बटुल्न नसकेकी अनुले जीवनसँगको पहिलो काम ‘बाजीगर’ मार्फत साच्चिकै बाजी मार्नका दाउ खोजिरहेकी छिन् ।

रंजित राना निर्देशित ‘बाजीगर’ लाई सोसियल ड्रामा, एक्शन र लभस्टोरीको समायोजित रुप भनिएको छ । विग मूभिजमा एक कार्यक्रमका बीच आज यो फिल्मको ट्रेलर रिलिज गरिएको हो ।

हेर्नुस् यस्तो बनेको छ ट्रेलर


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)