बैशाख १७ हुने भयो एक्शनमय


Filmy Kura, Apr 15, 2016 at 4:10 pm

jiwan-suraj-sanjog

बैशाख १७ गते दुई नेपाली फिल्म रिलिज हुँदैछन् । संयोग नै मिलेको भन्नुपर्छ ती दुवै फिल्म एक्शन ओरिएन्टेड रहेका छन् । फिल्मको नामबाट नै प्रष्ट हुन सकिन्छ हरेक व्यक्ति सँग जंगिने ‘जंगे’ र कहिले नहार्ने ‘बाजीगर’ । हो यो मितिमा ‘जंगे’ र ‘बाजीगर’ एकसाथ रिलिज हुँदैछन् । उत्कल थापा निर्देशित फिल्म हो ‘जंगे’ । सेन्सर बोर्डबाट पिजी सर्टिफिकेट पाएको ‘जंगे’मा एक्शनका दृश्यले नै दर्शकको मन जित्न सकिने आश निर्माण पक्षको छ । सुशन प्रजापतिको लगानी रहेको ‘जंग’ेमा सुरजसिंह ठकुरी, ऋचा शर्मा, नरेश पौड्याल, शिखा शाही, अनुप बराल आदिको प्रमुख भूमिका रहेको छ । विशेषगरी राणा कालिन प्रधानमन्त्री जंग बहादुर राणको जीवनीलाई आधारित बनाएर निर्माण गरिएको फिल्मले वर्तमान जंगे रुप पर्दामा देखाउन खोजेको छ । मल्टिप्लेक्स टार्गेट फिल्म अहिले निकै प्रतिक्षित बनेको छ ।

उता सोहि मितिमा पुराना फिल्म मेकर शेखर कोइराला निर्मित ‘बाजीगर’ पनि रिलिज हुँदैछ । बाजीगर सिंगल स्क्रिन टार्गेट फिल्म हो । रन्जित राना मगरले फिल्मलाई निर्देशन गरेका छन् । फिल्ममा शेखरका छोरा संजोग कोइरालालाई नायकका रुपमा देख्न सकिन्छ । संजोग सँगै जीवन लुइँटेल, अनु शाहको प्रमुख भूमिका रहेको छ । ०७२ जीवनका लागि फिल्म नफापेको वर्ष रह्यो अब ०७३ मा उनको यो पहिलो रिलिज फिल्मले के कस्तो आशा जगाउन सक्ला हेर्दै जाउ । तथापी जीवन चल्नका लागि पनि अब फिल्म राम्रो चल्नु पर्ने जरुरी देखिएको छ ।


Leave a Reply

Your email address will not be published. Required fields are marked *

Related News

पल-पूजाको म यस्तो गीत गाउँछु २ ट्रेलर रिलिज (भिडियो)
कमेडी च्याम्पियन टोली देखि भुवन झरनाको नजरमा लभ डायरिज कस्तो ?
सेल्फी किङ्गको भव्य प्रिमियर, फिल्मलाई मिश्रित प्रतिक्रिया (भिडियो सहित)
प्रतिक्षित फिल्म प्रेमगीत ३ को गीत रिलिज, प्रदीप-क्रिष्टिनाको फरक अवतार