हाउ फन्नीमा नायिकाको जम्बो टोली


Filmy Kura, Apr 16, 2016 at 11:14 am

keki-priyanka-nishaएउटै नायिकाले फिल्ममा लिड गरिरहेको वर्तमान अवस्थामा तीन नायिकाको जम्बो टोली ‘हाउ फन्नी’ मा रहेको छ । फिल्मको शीर्षकबाट नै प्रष्ट हुन सकिन्छ कि यो कमेडी धारको चलचित्र हो । पछिल्लो सयम निकै व्यस्त रहेका दुई नायिका प्रियंका कार्की र केकी अधिकारीको साथमा निशा अधिकारीको अभिनय यो फिल्ममा रहेको छ । तीन नायिकाको जम्बो टोली एउटै फिल्ममा हेर्न पाइने मौका दर्शकले कतिको सदुपयोग गर्ने हुन् त्यो त फिल्मको कन्टेनमा भर पर्ने कुरा हो ।

फिल्म रिलिज हुन हप्ता दिन बाँकी रहदा प्रियंका र केकीको फेसबुक वालमा भने ‘हाउ फन्नी’ पोस्टरले खुबै स्थान पाइरहेको छ । केकीका लागि त यो फिल्म चल्नु पर्ने जरुरी भइसकेको छ । कारण उनका हरेक फिल्म सुपर फ्लप भइदिदा केकी हुनु र नहुनुको अर्थ छैन भन्ने सम्मका निर्माता भेटिन थालिसकेका छन् । प्रियंका अभिनित फिल्म पनि व्यापारिक दृष्टिकोणबाट दिनप्रति दिन असफल सावित भइरहेका छन् । यता निशालाई पनि अफर आउनै छाडि सकेको छ । यस हिसाबमा यि तीनै नायिकाका लागि यो फिल्म विशेष छ । केकी र प्रियंका जासुसीको भूमिकामा देखिएका छन् । बैशाख १० गते प्रदर्शन हुने फिल्ममा केकी, प्रियंका, निशा सहित दयाहाङ राई र अनुपक्रिम शाहीको अभिनय हेर्न सकिन्छ । फिल्मलाई निलु डोल्मा शेर्पाले निर्देशन गरेकी हुन् ।


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)