शिल्पा र नीता नकाबमा


Filmy Kura, Apr 19, 2016 at 9:06 am

nita-silpaजेठ पहिलो साताबाट सुटिङ फ्लोर उत्रने ‘नकाब’ फिल्ममा नायिका शिल्पा पोखरेल र नीता ढुङ्गाना एक साथ देखिने भएका छन् । ‘फागु’ फिल्मबाट रङ छर्न नसकेकी शिल्पा र ‘फूलै फूलको मौसम तिमीलाई’ बाट फूल फूलाउन असफल नीताको कामले ‘नकाब’ मा विशेष महत्व राख्ने छ ।

nakabरोशन श्रेष्ठले निर्देशन गर्ने फिल्ममा बारम्बार असफलताको स्वाद चाखिरहेका हिरो सविन श्रेष्ठ प्रमुख भूमिकामा रहनेछन् । हुनत दर्शकले शिल्पा र सविनको कामलाई ‘हवल्दार सुन्तली’ मा रुचाइ सकेका छन् । यद्धपि बाघ निर्माता छविराज ओझाको फिल्म बाहेक सविन र शिल्पा अभिनित अन्य फिल्महरु सुपर फ्लप भएका छन् । यता नीताको हालत पनि उस्तै छ । चुरीफुरी धेरै भए पनि अन्तत उनी पनि सेलाएकी छिन् ।

आर्टिस्ट् वाइज रोशन श्रेष्ठको निर्देशकिय क्षमता दर्शकको लागि खास मूल्याङ्कन गर्ने बाटो हुनेछ । यी तीन बाहेक फिल्ममा रामकेशर बोगटी, दिनेश जंग, अदिती श्रेष्ठ, जीवन शाहीको अभिनय रहनेछ । ‘नकाब’ का लगानीकर्ता सुनिल कटुवाल हुन् । रामेश्वर कार्कीले छायांकन गर्ने फिल्मका गीतमा राम कार्की र राज कुमारले संयुक्त रुपमा संगीत भर्नेछन् ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)