सुनिलले गरे एकसाथ तीन फिल्म निर्माण घोषणा, मिडिया पिपुलसँग सम्बन्ध बिग्रेको अस्विकार


Filmy Kura, Apr 27, 2016 at 10:34 am

सफल फिल्म दिने निर्माताको रुपमा परिचय स्थापित गरेका सुनिल रावलले मंगलबार तीन फिल्म निर्माणको घोषणा गरेका छन् । यहि वर्ष भित्र निर्माण हुने ती तीन फिल्म हुन् ‘सायद २’, ‘लाउरे’ र ‘लभ नम्वर’ ।

group
सायद २
ब्लक बस्टर हिट फिल्म ‘सायद’ को सिक्वेलको रुपमा निर्माण गर्न लागिएको हो ‘सायद २’ । लभस्टोरी जनराको यो फिल्म बलिउड फिल्म निर्देशनको अनुभव संगालीसकेका पुष्पराज न्यौपानेले लेखन निर्देशन गर्दैछन् । सुशील श्रेष्ठ, कुशल पाण्डे, अमृत ढुंगाना, सुशील सिटौला, किरण शर्मा लगायतको यस फिल्ममा अभिनय रहनेछ । दुर्गिश फिल्मसको ब्यानरमा निर्माण हुने फिल्ममा सुनिल रावल, इश्वर श्रेष्ठ, सुभाष लामिछानेको लगानी रहनेछ ।

susil---

लाउरे
आगामी असार २३ गतदेखि सुटिङ फ्लोर उत्रने भनिएको सुनिलको अर्को ड्रिम प्रोजेक्ट हो ‘लाउरे’ । निगम श्रेष्ठले निर्देशन जिम्वेवारी सम्हालेको यो फिल्ममा विक्रम सिंह र सलिनमान बानियाँ प्रमुख कलाकारका रुपमा छनौट भएका छन् । अन्य कलाकारको टुंगो लाग्न बाँकी छ । निगमले यस अघि ‘छड्के’ फिल्म निर्देशन गरेका थिए । निगमको चर्चा चुलिनुमा ‘छड्के’ फिल्मको ठूलो हात छ ।

2

तस्बिर : राजेश केसी

लभ नम्बर
यसै वर्ष निर्माण गर्न लागिएको अर्को फिल्म हो ‘लभ नम्बर’ । फिल्मलाई केशव पाण्डेले निर्देशन गर्नेछन् । सुनिल रावल, मनोज अधिकारी, इश्वर श्रेष्ठको संयुक्त लगानी रहने फिल्मका लागि कुनै पनि कलाकार हाल तय भएका छैनन् । शिर्षकले नै प्रष्ट पार्छ कि यो पनि लभस्टोरी जनराको फिल्म हो ।

मिडिया पिपुलसँग सुनिलको सम्बन्ध
पछिल्लो समय निर्माता सुनिलको मिडियाकर्मी सँग नराम्रो सँग सम्बन्ध बिग्रेको चर्चा छ । यो प्रश्न फिल्मीकुराले उनी समक्ष राख्दा घुमाउरो शैलिमा सुनिलले बाहिर सुनिए जस्तो सम्बन्ध प्रगाढ पनि नभएको र बिग्रेको भन्ने पनि नभएको बताए । उनले सबै मिडियाकर्मीलाई फिल्म निर्माण घोषणा सेरोमनीमा निमन्त्रणा गरेको भएपनि कतिपय नआएको कुरालाई भने स्विकार गरे । ‘मैले सबैलाई बोलाएको हुँ । व्यस्तताका कारण पनि नआएको हुनसक्छ ’ सुनिलले भने ।


Leave a Reply

Your email address will not be published. Required fields are marked *

Related News

पल-पूजाको म यस्तो गीत गाउँछु २ ट्रेलर रिलिज (भिडियो)
कमेडी च्याम्पियन टोली देखि भुवन झरनाको नजरमा लभ डायरिज कस्तो ?
सेल्फी किङ्गको भव्य प्रिमियर, फिल्मलाई मिश्रित प्रतिक्रिया (भिडियो सहित)
प्रतिक्षित फिल्म प्रेमगीत ३ को गीत रिलिज, प्रदीप-क्रिष्टिनाको फरक अवतार