सोचे जस्तो छैन फिल्म क्षेत्र : मिस मंगोल सपना


Filmy Kura, Apr 28, 2016 at 5:24 pm

sapana-rokaएउटा गीत छ ‘सोचे जस्तो हुन्न जीवन’ । जीवन जस्तै बाहिरबाट हेर्दा रंगीचङ्गी लाग्ने फिल्म क्षेत्र पनि सोचे जस्तो नभएको पूर्व मिस मंगोल सपना रोक्काले बताएकी छिन् ।

उनलाई नलागोस् पनि कसरी डेब्यू फिल्म नै रिलिज भएन् । उनि सम्झिन्छिन्, ‘जापान बस्ने प्रोडुसरले त्यो फिल्म बनाउनु भएको हो । मलाई अप्रोज गर्ने भने एक जना संगीतकार थिए । आशा धेरै गरेको फिल्म नै हलमा आएन ।’ त्यो फिल्मको नाम भने ‘डू यू लभ मि’ हो ।
सन् २०१२ को मिस मंगोल सपना नाम जस्तै सपना सजाएर कला क्षेत्रमा होमिइन् । उनी सामाजिक काममा पनि निकै सक्रिय छिन् । सन् २०१३ देखि फिल्म मोहले उनलाई यसरी तान्यो कि धेरै गर्न सक्छु भन्ने विश्वास एकाएक हाबी भयो । सपनाले ४ वटा म्यूजिक भिडियोमा पनि मोडलिङ गरेकी छिन् । पहिलो गास मै ढुङ्गा भने जस्तो डेब्यू फिल्म नै प्रदर्शन नभएपछि उनी केही तनावमा भने अवश्य रहिन् । बीचमा केही फिल्मबाट अफर आएको उनी स्मरण गर्छिन् । त्यसको केही समय पछि भने ‘उहिले बाजेको पालामा’ भन्ने फिल्मबाट अफर आयो । निर्देशक बसन्त जि.एम. ले मंगोलियन फेस भएको कलाकारको खोजी गर्दा सपना रोक्का फिट हुने देखेपछि अफर गरे । यो अफरलाई स्विकार गरी सपनाले फिल्ममा काम गर्न राजी भइन् ।

सुटिङ ताका सल्यानको त्यो पहाडी भेगमा टन्टलापुर घाममा खटेको अझै सपनाको दिमागमा आइरहन्छ । काम गरे अनुसार नतिजा पाइ हाल्न पनि गाह्रो । दुई घण्टाको फिल्म हेराई पछि छ्या यो झुर फिल्म बन्न सजिलो छ तर त्यसको लागि कलाकार र निर्माण यूनिटको खटाई कति हुन्छ त्यो मूल्याङ्कन कहिले गर्ने ?? उनी प्रश्न गर्छिन् । सपनाले अझै पनि धेरै सपना सजाएकी छिन् फिल्म क्षेत्रमै केही गर्ने । एक्टिङ र डान्स क्लास गरिरहेकी उनी बैशाख २४ गते रिलिज हुने फिल्म ‘उहिले बाजेको पालामा’ बाट निकै आशावादी छिन् । उनी भन्छिन्, ‘हुन त मेरो त्यस्तो क्यारेक्टर छैन टर्निङ प्वाइन्ट कै रुपमा काम गर्ला भन्ने तर पनि मैले अभिनय गरेको फिल्म हो आशा अवश्य छ ।’

नायक दीलिप रायमाझी सँग काम गर्न पाउदा खुसी लागेको बताउने उनी दीलिपको फ्रेन्ड्ली बिहेभ् निकै मन परेको भन्न पछि परिनन् । हाम्रै कला, संस्कृति, भेषभुषा, रितिरिवाजलाई यो फिल्ममा देखाउने कोसिस गरिएकाले एकपटक आम नेपालीलाई ‘उहिले बाजेको पालामा’ फिल्म हेरिदिन सपनाले अनुरोध गरेकी छिन् ।

आगामी दिनमा अझ आफूलाई अभिनय र नृत्यमा अब्बल तुल्याउदै अगाडि बढ्ने सोच सपनाको छ ।


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)