प्रेम गीतले मनायो गौरवमय ५१ दिन, कभर सङ कम्पिटिशनमा सागर विजय


Filmy Kura, Apr 7, 2016 at 10:10 am

Prem-Geet-Cover-Winner-sagarवर्ष २०७२ मा थुप्रै फिल्म रिलिजमा आए यस मध्ये फिल्मको गीत र प्रस्तुतीकरणले दर्शक रिजाउन सकेको प्रेमकथानक चलचित्र ‘प्रेम गीत’ ले प्रदर्शनको गौरवमय ५१ दिन भव्य कार्यक्रम गरी सेलिब्रेट गरेको छ । पछिल्लो समय प्रदर्शनको ५१ औँ दिन मनाउने फिल्म विरलै छन् । यस हिसाबमा यो वर्षको लागि अत्याधिक दर्शकको आत्मिय साथ ‘प्रेम गीत’ ले पाएको छ ।

सुचना तथा सञ्चार मन्त्री शेरधन राईलाई प्रमुख अतिथि बनाइएको कार्यक्रममा फिल्मको कभर सङ कम्पिटिशनको विजेता समेत घोषणा गरियो । ‘म यस्तो गीत गाउछु’ बोलको गीतमा सहभागी प्रतिस्पर्धी ५ सय ५९ बाट छानिएर आएका १५ जनामा गरिएको ग्राण्ड फिनालेबाट सागर संसार राईले आफ्नो जित सुरक्षित गरे । जुरी मेम्बरमा रहेका फिल्मका निर्देशक सुदर्शन थापा, निर्माता सन्तोष सेन, संगीतकार अर्जुन पोखरेल, गायिका अन्जु पन्त र लेखक रामशरण पाठकले अन्तिम ५ प्रतिस्पर्धीबाट गायन क्षमताको आधारमा एकजना चुनेका हुन् ।

विजेता सागरले नगद एक लाख रुपैया सहित आशुसेन फिल्म्स्को तर्फबाट आगामी बन्ने फिल्ममा पाश्र्व गायनको अवसर पाएका छन् । समारोहमा पूजा शर्मा र प्रदीप खड्काको प्रमुख भूमिका रहेको ‘प्रेम गीत’ लाई सफल बनाउन प्रत्यक्ष अप्रत्यक्ष रुपमा सहयोग पु¥याउने विभिन्न चलचित्रकर्मी तथा मिडियाकर्मीलाई मायाको चिनो वितरण गरिएको थियो ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)