बाजेको पालाले दिलिपलाई नेपाल फर्काउने बेलवासेको दाबी


Filmy Kura, Apr 8, 2016 at 2:33 pm

dilip-ganesचलचित्र लेखक तथा कलाकार गणेश बेलवासेले कुनै जमानाका स्टार दिलिप रायमाझी ‘उहिले बाजेको पालामा’ फिल्म रिलिज पश्चात अमेरिका छाडी नेपाल फर्कने दाबी गरेका छन् । दिलिपको क्रेज यो फिल्मले अझ माथि पु¥याउने र कलाकारिता मोहले उनलाई अमेरिका छाड्न घच्घच्याउने बेलवासेको बुझाई छ । दिलिप रायमाझी हाल चलचित्र नगरीबाट टाढा छन् । उनी सपरिवार अमेरिकामा बसोबास गरिरहेका छन् ।

कुनै समय नेपाली फिल्मका चर्चित हिरो यिनै दिलिपले अभिनय गरेको ‘उहिले बाजेको पालामा’ फिल्म नयाँ वर्ष २०७३ सालको बैशाख २४ गते उपत्यकामा र जेठ ७ उपत्यका बाहिर रिलिज हुँदैछ । फिल्ममा दिलिपको अभिनय तारिफ योग्य रहेको बताउँदै दर्शकको खोजिकै कारण दिलिप अमेरिकाको बसाइ छोट्याई नेपाल आउन सक्ने सम्भावना प्रवल रहेको सोही फिल्मका लेखक समेत रहेका कलाकार गणेश बेलवासेले बताएका हुन् ।

उनले यो फिल्मले नेपालको मौलिक कला, संस्कृति, रितिरिवाजको मूल विषय उठाएको समेत स्पष्ट पारे । फिल्ममा उनको समेत प्रमुख भूमिका रहेको छ । दर्शकले यो फिल्म मन पराएको खण्डमा यसको सिक्वेल समेत निर्माण गर्ने बेलवासेले योजना बुनेका छन् । फिल्मीकुरा सँग गफगाफ गर्दै आजबाट ‘उहिले बाजेको पालामा’ फिल्मको हल ट्रेलर छाडिएको बताउने गणेश फिल्म सफल हुनेमा ढुक्क छन् ।

उनलाई अहिले फिल्मको प्रचार प्रसारको निकै चटारो छ । फिल्ममा अभिनय गरेका अर्का हास्यकलाकार कमल गाउलेलाई लिएर पछिल्लो समय उनी विभिन्न मिडिया पुगिरहेका छन् । फिल्ममा लेखन, अभिनय सँगै उनले लगानी समेत लगाएका छन् । फिल्मकी नायिका खुश्वु खड्का पनि ‘उहिले बाजेको पालामा’ बाट दर्शकमाझ आफ्नो चिनारी फराकिलो पार्ने दाउमा छिन् ।

बसन्त जि.एम. निर्देशित फिल्मका कार्यकारी निर्माता हल सञ्चालक समेत रहेका सुनिल मानन्धर हुन् ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)