आमाको मुख हेर्ने दिन तीन फिल्मको जुंगे लडाई


Filmy Kura, May 5, 2016 at 7:33 pm

three-filmतीन वटै फिल्मका सम्बन्धित व्यक्ति फिल्म रिलिजको अघिल्लो दिन सम्म आफ्नै फिल्मले दाउ मार्ने बताइरहेका थिए । हो बैशाख २४ गते शुक्रबार अर्थात आमाको मुख हेर्ने दिनबाट तीन भिन्न स्वाद बोकेका नेपाली फिल्म रिलिज मैदान उत्रदै छन् । यो जुंगे लडाईमा तीन फिल्मको भिडन्तलाई सामान्य आँक्न मिल्दैन । बैशाख २४ गते आमाको मुख हेर्ने दिन परेकाले पनि फिल्म हेर्नका लागि दर्शक ओहिरिनेमा फिल्म निर्माण यूनिट विश्वस्त छ ।

दाबी गर्नु स्वाभाविक हो तर वास्तविकतालाई आत्मसाथ गर्नु आजको आवश्यकता हो । रिलिज पूर्व गरिएको प्रिमियरबाट एक खालको राम्रो माहोल सिर्जना गरेको फिल्म हो ‘उहिले बाजेको पालामा’ । कुनै समयका बिकाउ हिरो दीलिप रायमाझी स्टारर यो फिल्मका लेखक तथा प्रस्तुतकर्ता हुन् गणेश बेलवासे । बसन्त जि.एम. निर्देशित फिल्मले विगतका संस्कृति, रहनसहन तथा परिवेश र शैलीलाई पर्दामा उतार्न खोजेको छ । दीलिप सहित, गणेश, सपना रोका, खुश्वु खड्का, नविन श्रेष्ठ, कमल गाउलेको अभिनयलाई पर्दामा दर्शकले नियाल्न पाउनेछन् ।

यस्तै बेलाबखत फाट्टफुट्ट फिल्ममा देखा परिरहने अर्का नायक हुन् राजेश ढुंगाना । उनि स्वयंले निर्माण गरेको फिल्म ‘आवारा’ ले पनि शुक्रबार रिलिज थालनी गर्दैछ । एक्सन रुचाउने दर्शकका निमित्त यो फिल्म विशेष खुराक बन्न सक्छ । राजेशले फिल्म निर्माणमा हात हाल्नुलाई दर्शकले दिएको मायाका कारण निरन्तरता दिन खोजेको बताएका छन् । अन्य फिल्ममा भन्दा एक्सनमा केही नयाँपन यसमा दिन खोजेको दाबी समेत उनले गरेका छन् । दिनेश पौडेल निर्देशित फिल्ममा राजेश र हर्षिका श्रेष्ठको प्रमुख भूमिका रहेको छ ।

उता सत्य घटनामा आधारित फिल्मको रुपमा प्रचार गरिएको ‘रोल्पा रोग’ पनि रोग बनेर २४ गते बाट नै फैलिदैछ । दीपक ओली निर्देशित यस फिल्ममा द्धन्द्ध कालिन समयमा रोल्पा जिल्ला कसरी पिल्छिएको थियो देखाउन खोजिएको छ । युवाको सपना र चाहना कसरी द्धन्द्धले सखाप बनायो त्यो त हल गएर फिल्म हेरे पश्चात नै थाहा हुनेछ । फिल्ममा शिशिर भण्डारी, कुल्दिप अधिकारी, जनक घर्ति मगर, बिनु खड्काको अभिनय रहेको छ ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)