फिल्म निर्माणमा तिव्रता, क्वान्टिटीमा होइन क्वालिटीमा जोड दिउ


Filmy Kura, May 8, 2016 at 9:48 am

अझै पनि नेपाली फिल्मले विदेशी बजारमा आफ्नो दरिलो उपस्थिति देखाउन सकेको छैन । यद्धपि विगतका तुलनामा केही संख्यात्मक रुपमा नेपाली फिल्म विदेशी भूमिमा शो हुने क्रम भने बढेको छ । नेपालमा रिलिज गरेर लगानी रिकभर गर्न सक्ने अवस्था नदेखे पछि अहिले भटाभट विदेश प्रिमियर गर्ने हिसाबले फिल्म निर्माणमा निर्माताले तिव्रता दिएका छन् । यो कदममा निर्माता मात्र हैन निर्देशक समेत कस्सिएर लागेका छन् । बौद्धिक सिर्जना बाहिर शो गरेर दुई चार पैसा खल्तिमा पनि आउने र नयाँ ठाउँ घुम्न पनि पाइने प्रलोभनमा निर्देशक निर्माता फिल्म निर्माणमा जोड दिइरहेका छन् । आयश्रोतको मुख्य आधार नै त्यहि भएकाले गर्दा पनि होला विदेशमा रेड कार्पेट प्रिमियर हाल आएर एक आकर्षण बनेको छ ।

यो साता मात्र कुरा गर्ने हो भने तीन नेपाली फिल्म निर्माणको घोषणा गरिएको छ । सफल निर्देशक हेमराज विसीले ‘ग्याङस्टार ब्लुज’ निर्माण गर्ने जानकारी गराएको दुई दिन पछि अर्थात बैशाख २४ गते एकै दिन अर्को दुई नेपाली फिल्म बन्ने जानकारी गराइएको थियो । विषय छनोटका हिसाबले पनि केही नविन लाग्ने ‘भुइँमान्छे’ र पारिवारिक फिल्म ‘अनागत’ निर्माण गर्न लागिएको हो ।

ramesh-siporaमृत शरीर पोस्पमार्टम गर्ने व्यक्तिको मनोविज्ञान कस्तो खालको होला त ? दिनहु यहि काम गर्ने व्यक्तिको सेरोफेरोमा ‘भुइँमान्छे’ फिल्म केन्द्रित रहनेछ । फिल्मलाई नवराज बुढाथोकीले निर्देशन गर्दैछन् । कथा स्वयं उनकै हो । फिल्ममा रमेश बुढाथोकी, सिपोरा गुरुङ, सानु ताम्राकार, तारा केसी, प्रवीण खतिवडाको अभिनय रहनेछ ।

फिल्मको शिर्ष भूमिकामा रहेका अभिनेता रमेश बुढाथोकीले त आफ्नो ३० वर्षे फिल्मी करिअरमा ‘भुइँमान्छे’ फिल्ममा गरिने अभिनयले एउटा गर्व गर्न लायक स्थान पाउने समेत बताए । यता सिपोरा गुरुङ जो भलिबल खेलाडी समेत हुन् उनले पनि फरक विषयका कारण फिल्म खेल्न इन्ट्रेष्ट लागेको बताइन् ।

priyana-arpan
उता निर्देशक साम्तेन भुटिया भने ‘अनागत’ टाइटलमा फिल्म निर्माणमा कस्सिएका छन् । पूर्ण पारिवारिक फिल्मले भने पति–पत्निबीचको अपरिचित सम्बन्धले निम्ताउन सक्ने विविध समस्यालाई जोड दिनेछ । यो फिल्ममा नायिका प्रियंका कार्की, अभिनेता अर्पण थापाको प्रमुख भूमिका रहनेछ । मंगलबार देखि छायांकन सुरु हुने फिल्मको लगानीकर्ता समीर उपाध्याय र चन्द्रकान्त झा हुन् ।

यसरी हेर्दा हप्ता मै तीन फिल्म निर्माणको घोषणा । फिल्म बनाउनु नराम्रो होइन तर अझै पनि हामी क्वान्टिटीमा जोड दिइरहेका छौ, कहिले दिने क्वालिटीमा जोड ? एउटा नयाँ निर्माता आएर एउटा फिल्म बनाएपछि हराउने परिपाटी त छदै नी छ । यसर्थ फिल्म निर्माणमा क्वालिटी दिने प्रयास गरौ नत्र निर्माताको गोजी टाट पल्टिएको समाचार हाबी हुन बेर छैन ।


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)