करणले गरे अर्चनाको तारिफ, भने, ‘प्रतिस्पर्धा गर्न तयार छु’


Filmy Kura, May 11, 2016 at 5:42 pm

acrchana paneruनायक तथा निर्माता करण क्रेजिले पोर्न स्टार बन्ने सपना पालेकी अर्चना पनेरुको तारिफ गरेका छन् । उनको तारिफ पोर्न स्टार बन्ने अर्चनाको सपनालाई लिएर नभई ‘छेस्को’ फिल्ममा उनले गरेको अभिनयलाई लिएर हो ।

करणले भने, ‘अर्चना जी निकै मिलनसार लाग्यो । समयको ख्याल भएको, को–अपरेटिभ । उहाँले पोर्न स्टार बन्छु भन्नु भयो होला तर फिल्म प्रति उहाँको झुकाव पनि रहेछ । डान्स अभिनय राम्रो गनुहुँदोरहेछ जुन छेस्को हेरेपछि तपाईलाई लाग्नेछ ।’

उनले ‘छेस्को’ नेपाली परिवेशमै घट्ने घटनामा आधारित रहेको बताए । आगामी जेठ २१ गतेबाट अल नेपाल प्रदर्शन हुने फिल्ममा विवाद हुने किसिमको संवाद र दृश्य नरहेको जिकिर उनले गरेका छन् । साथै उनले थपे, ‘यो मितिमा जुनसुकै फिल्म आएपनि हामी प्रतिस्पर्धाका लागि तयार छौ । फिल्म राम्रो बनेको छ चल्छ भन्नेमा हाम्रो निर्माण यूनिट ढुक्क छ ।’

‘छेस्को’ का कलाकार तथा निर्माता समेत रहेका करणले अर्चना पनेरुलाई लिएर फिल्म बनाएको प्रति चलचित्र क्षेत्र सँग काम गर्ने कुनै पनि संघ संस्थाको आपत्ती रहने हिसाबले काम नगरेको समेत स्पष्ट पारेका छन् । एस.पी मूभि मेकर्स एण्ड रिच इन्टरटेन्मेन्टको व्यानरमा निर्मित फिल्ममा अर्चना पनेरु, राजन कार्की र करण श्रेष्ठ क्रेजिको प्रमुख भूमिका रहेको छ ।

सुरज प्रधानको लगानी रहेको फिल्म ‘छेस्को’ मा करण एक प्रहरी अधिकृतको चरित्रमा छन् । सुरेश थापाको डेब्यू निर्देशन रहेको फिल्मका सह–निर्माता शंकर कार्की हुन् । सार्वजनिक ट्रेलरले यूट्युवमा आक्रामक भ्यूअर्सको साथ पाइरहदा हलमा लाग्दा भने कस्तो खालको दर्शक साथ पाउने हो त्यसको लागि भने जेठ २१ कुर्नुको विकल्प छैन ।

हेर्नुस् यस्तो बनेको छ ट्रेलर


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)