आयुष र सन्जुको दिल भयो खाली, के पाउला त दर्शक ताली ?


Filmy Kura, May 12, 2016 at 6:23 pm

aayush-sanjuदिल जाली भएको भन्दा त खाली भएकै राम्रो हो । हाम्रा अधिकांश कलाकार नै कोही दिलदार छन् त कोही जाली । भयो जालीको कुरा छोडौ । हामी भने अहिले नवनायक आयुष रेग्मी र नवनायिका सन्जु सिलवालको दिल खाली भएको कुरा गर्दैछौ ।

सुन्दा सुनिरहुँ लाग्ने मायाले भरिएको गीतमा आयुष र सन्जुले दिलको कुरा गरेका छन् । फिल्मको नाम हो ‘किन गरेँ माया’ । माया किन र के को लागि गरिएको हो त्यो भने मनोरञ्जन लिदै थाहा पाउनको लागि जेठ १४ गते नजिकको सिनेमा घर नै जानु पर्ने हुन्छ । यद्धपि फिल्मको संगीतले दर्शकको मन छुन सफल भएको छ । यही फिल्मबाट यी दुई कलाकार परिचय स्थापित गर्ने दाउमा छन् ।

दीपक लिम्बु र बानिका प्रधानको संयुक्त भोकलमा तयार यस गीतमा मनोज हमाल र सुरेश पाण्डेको कोरियोग्राफी हेर्न सकिन्छ । शब्द तथा संगीत भने महेश खड्काको रहेको छ । दिल कुमार प्यासी प्रस्तुतकर्ता रहेको फिल्म ‘किन गरेँ माया’ लाई रमेश बोगटीले निर्देशन गरेका हुन् ।

फिल्ममा आयुष र सन्जुको अलवा सरु घलान, हरिश तिमिल्सिना, सुष्मा कार्की, रश्मि भट्ट लगायतका कलाकारको अभिनय हेर्न सकिन्छ । फिल्मले कतिको दर्शक ताली पाउला त्यो भने जेठ १४ कुर्नुको विकल्प छैन ।

 मनै आनन्दित बनाउने हेर्नुस् यो गीत


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)