के म तिम्रो होइन र : नवकलाकारले जगाएको आशा


Filmy Kura, May 17, 2016 at 10:19 am

aaryan-mariskaनेपाली फिल्म क्षेत्रमा कोही कलाकार तीन चार वटा फिल्ममा लिड रोल निभाउदा पनि चर्चाको पात्र नबनि रहदा बैशाख ३१ रिलिज फिल्म ‘के म तिम्रो होइन र’ का दुई नव अनुहारले भने यतिबेला राम्रै तारिफ बटुलिरहेका छन् । फिल्म रिलिज पूर्व यी दुई कलाकार त्यति सारो मिडियामा आएका पनि थिएनन् तर अहिले मिडियाको खोजीमा यी दुई परेका छन् । ती दुई हुन् आर्यन अधिकारी र मरिस्का पोखरेल ।

दुवैको मनमा धुकचुक थियो फिल्मले कस्तो ओपनिङ गर्ला भनेर । तर ट्रेलर र गीतले दर्शकलाई हल सम्म यसरी ल्यायो कि शुक्रबारको व्यापार पछि माउथ पब्लिसिटीका कारण फिल्मले शनिबार देखि आक्रामक व्यापार गर्न सफल रह्यो । सोमबार सम्मको व्यापार हेर्दा फिल्मले करोड माथिको ग्रस कलेक्शन गरेको छ । अभिनयको पाटो केलाउदा आर्यन र मरिस्काले आफूलाई कतै पनि नयाँ भएको भान गराएका छैनन् । यो फिल्मलाई पर्दामा नियाले पछि दर्शकले भनेका कुरा हुन् यी ।

प्रेम प्राप्तिको लडाई मात्र छैन फिल्ममा । आर्यनलाई लागेको हत्याराको आरोप मेटाउनका निमित्त अपराधिको खोजीमा मुख्यत् फिल्म केन्द्रित छ । फिल्मको सिनेम्याटोग्राफि र निर्देशकीय पक्ष सबल भएका कारण दर्शकको रोजाइमा ‘के म तिम्रो होइन र’ परेको छ ।

फिल्मका निर्देशक आकाश अधिकारी हुन् । फिल्म मेकिङमा मुम्बईबाट डिप्लोमा कोर्ष गरेका आकाशले प्रेम कथामा नयाँ कलाकार नै चाहिने मान्यता समेत राख्छन् । यसर्थ पनि यो फिल्ममा आर्यन र मरिस्काले चान्स पाएका हुन् । यो चान्सलाई दुई कलाकारले अथक मिहेनत र प्रयासबाट प्रमाणित गरिदिएका छन् कि अब पुराना कलाकार होइन नयाँमा नै त्यो सम्भावना छ भनेर । आजका जो कोही नयाँ भोलिका पुराना हुन् नै तर फिल्म इन्ड्रष्टिमा राम्रो सम्भावना बोकेका आर्यन र मरिस्काले नयाँ र पुरानो भन्दा पनि फिल्म वृत्तमा व्यापारिक हिसाबले समेत राम्रो आशा जगाएका छन् ।

आर्यनमा एक्शनको नयाँ पन र मरिस्काले निभाएको लभर गर्लको भूमिकाले फिल्ममा यी दुईको जोडि मात्र सुहाएको छैन भविष्यका स्टार हुन् भन्ने लक्षण समेत देखाएको छ ।

‘के म तिम्रो होइन र’ मा आर्यन र मरिस्काको अलवा आकाश बाबु खवास, गौरी मल्ल, प्रज्वल गिरीको अभिनय हेर्न सकिन्छ ।


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)