स्वर्णिमलाई वर्षाले बाल नदिएपछि गायक रविमा छायो खुसी


Filmy Kura, May 17, 2016 at 1:05 pm

barsa-swarnim-rbiनायिका वर्षा शिवाकोटीले मोडल स्वर्णिम थापालाई बाल नदिएपछि गायक रवि मल्लमा अहिले निकै खुसी छाएको छ । खुसी नछाओस् पनि किन, तपाईलाई लाग्ला कि स्वर्णिमलाई बाल नदिए पनि रविलाई राम्रै बाल उनले दिइरहेकी छिन् । तर होइन हामी त गायक रवि मल्लको जादुमयि आवाजमा तयार गीतको भिडियोको कुरा गर्दैछौ ।

अचेल जुन नेपाली टिभी च्यानल लगाएपनि वा रेडियो सुने पनि एउटा गीत निकै प्राथमिकताका साथ गुन्जन्छ । त्यो गीत हो ‘राई झुमाको बिहे’ । नेपाली फिल्मकी नायिका वर्षा र मोडल स्वर्णिम यो गीतको भिडियोमा फिचरिङ भएका छन् । स्वर्णिमले वर्षालाई प्रेम गरौ माया गरौ भनि आग्रह गरिरहदा भिडियोमा वर्षाले भने कुनै महत्व नदिएको पाउन सकिन्छ ।

नरेन्द्र आभाष धामीको शब्दमा तयार गीतमा रविले गाएका मात्र छैनन् संगीत समेत भरेका छन् । सुन्दै आइरहेका गीत भन्दा केही फरक लाग्ने यो गीतलाई पछिल्लो समय दर्शक श्रोताले निकै रुचाएका छन् । भिडियो पनि निकै उत्कृष्ट बनेको छ । जसलाई विभोर पोखरेलले निर्देशन गरेका छन् ।

फिल्मीकुरा सँग मनका भावना खोल्दै गायक रविले भनेका छन्, ‘मायाको मात्र प्रसंग होइन कर्णालीको सेरोफेरो अझ भनौ संस्कृति झल्काउछ यो गीतले । मैले गायनमा पनि केही फरक गर्ने कोसिस गरेको छु ।’

अनुराग संगीत विद्यालयमा संगीत प्रशिक्षण लिएका रवि हाल भने आफै संगीत सिकाउने समेत काम गर्छन् । उनी छिट्टै फिल्मको पाश्र्व गायनमा आउने तयारीमा समेत छन् ।

स्मरण रहोस् ‘राई झुमाको बिहे’ गायक तथा संगीतकार रवि मल्लको डेब्यू एब्लम ‘यहि जिन्दगी’ मा समावेश छ ।

हेर्नुस् भिडियो यस्तो बनेको छ


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)