डब्बुलाई सम्मान, श्याम र तुलसीलाई चलचित्र पत्रकारिता पुरस्कार


Filmy Kura, May 20, 2016 at 6:33 pm

shym-dabbuआज जेठ ७ गते चलचित्र पत्रकारिता दिवस । चलचित्र पत्रकार संघले आफ्नो १७ औँ वार्षिकोत्सव तथा दिवसको अवसरमा विगत दुई दशक देखि नेपाली कला जगतमा कलम चलाइरहेका तीन जना जुझारु पत्रकारलाई सम्मान तथा पुरस्कृत गरेको छ ।

हाल राजधानी दैनिक पत्रिकामा आवद्ध पत्रकार डब्बु क्षेत्रीलाई संघले सम्मान गरेको छ भने अन्य दुई जना पत्रकार तुलसी गिरी र श्याम अर्याललाई चलचित्र पत्रकारिता पुरस्कार प्रदान गरेको छ । गिरी हाल म्युजिक डायरीको प्रकाशक तथा सम्पादकका रुपमा कार्यरत छन् भने अर्का पत्रकार श्याम अर्याल इमेज एफएम र इमेज टेलिभिजनमा मनोरञ्जन सम्बन्धि कार्यक्रम सञ्चालन गर्छन् ।

यी तीनै जना पत्रकारलाई सूचना तथा सञ्चार मन्त्रि शेरधन राई, नेपाल पत्रकार महासंघका अध्यक्ष डा. महेन्द्र विष्ट, चलचित्र पत्रकार संघका अध्यक्ष शान्तिप्रियले क्रमश दोसल्ला ओढाई सम्मान पत्र वितरण गरेका थिए । मन्त्रि राईले पत्रकारिता क्षेत्र फस्टाउदै गएको प्रति खुसी व्यक्त गर्दै यसलाई अझ मर्यादित र व्यवस्थित बनाउनुपर्ने बताए । यता पत्रकार महासंघका अध्यक्ष विष्टले भने चलचित्र पत्रकारिता गर्दा कोड अफ कन्डक्ट, यसको दायरा र क्रिटिकल्ली भई कलम चलाउन जरुरी रहेको भनाइ राखे । गएको वर्ष भूकम्पका कारण दिवस मनाउन नपाइएपनि यो वर्ष धुमधामका साथ चलचित्र पत्रकारले एक आपसमा आत्मियता बाढ्दै वार्षिकोत्सव र दिवस मनाएका हुन् ।

समारोहमा केही समय अघि चलचित्र सेन्सर बोर्ड सदस्यमा नियुक्त भएका चलचित्र पत्रकार सन्दिप सापकोटालाई संघले बधाई तथा शुभकामना दिदै सम्मान पत्र वितरण गरेको थियो ।

यसैबीच गएको वर्ष भूकम्पले आफ्नो घरवास गुमाएका केही चलचित्र पत्रकारलाई संघले जनही रु पच्चिस हजार र दश हजारका दरले राहत स्वरुप रकम हस्तान्तरण समेत गरेको थियो ।


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)