प्रियंकाले मर्काएको कम्मरलाई दुई दिनमा दुई लाखले हेरे


Filmy Kura, May 30, 2016 at 2:24 pm

priyanka-karkiकमेडी फिल्म ‘छक्का पन्जा’को सार्वजनिक ‘पूर्व पश्चिम रेल’ बोलको गीतलाई दुई दिनमा करिब दुई लाख भ्यूअर्सले यूट्युवमा हेरेका छन् । प्रियंका कार्कीले मर्काएको कम्मर धेरैलाई मन परेको छ । प्राय कमेन्ट गर्नेले गीत हेरेर एकदमै आनन्द आएको र फिल्म रिलिजको पर्खाइमा रहेको लेखेका छन् ।

अघिल्लो सिरिज ‘वडा नम्बर छ’ मा समावेश ‘सुर्के थैली’ प्याटन कै यो गीतमा प्रियंका सहित दीपकराज गिरी, केदार घिमिरे माग्ने ‘बुढा’, जितु नेपाल, वर्षा राउत फिचरिङ छन् । जति गीतको अडियो सुन्दर बनेको छ त्यति नै सिनेमेटोग्राफर पुरुषत्तम प्रधान र कोरियोग्राफर कविराज गहतराजले यसलाई अझ हेर्नको लागि लायक बनाएका छन् भिडियो मार्फत ।

राजन राज शिवाकोटीको शब्द तथा संगीतमा तयार गीतमा आवाज पुरुष तर्फ स्वयम राजन कै सुन्न सकिन्छ भने आधुनिक गायनमा नम्बर वान गायिका अन्जु पन्तले महिलातर्फ सुरिलो स्वर मिसाएकी छिन् ।

हास्य अभिनेत्री दीपाश्री निरौलाले पहिलो पटक निर्देशन गरेको यो फिल्मको गीतले ‘सुर्के थैली’ जस्तै बजारमा चर्चा बटुल्न सुरु गरिसकेको छ । फिल्म भने आउदौ भदौ २४ गते रिलिज गरिने निर्माण पक्षले जनाएको छ । ‘छक्का पन्जा’ मा दीपकराज गिरी, जितु नेपाल ‘मुन्द्रे’, केदार घिमिरे ‘माग्ने बुढा’, बुद्धि तामाङ, प्रियंका कार्की लगायतका कलाकारले अभिनय गरेका छन् ।

तपाईलाई पनि आनन्द आउन सक्छ हेर्नुस् गीत


Leave a Reply

Your email address will not be published. Required fields are marked *

Related News

जगदिश तिवारीको हातबाट सीबी माउन्ट फ्रेमको शुभारम्भ, अनुपम ब्राण्ड एम्बेसडर
अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?