४ वर्षपछि हाकु कालेको यस्तो रुप, बैंक लुट्ने गिरोह के लुट्दैछन् यो पटक ?


Filmy Kura, Jun 1, 2016 at 1:28 pm

saugat mallaतपाई माझ निकै परिचित हाकु काले चार वर्ष पछि देखिदैछन् । यो चार वर्षको अवधिमा उनमा पनि धेरै परिवर्तन आइसकेको छ । हाकु काले  उर्फ् उनै सौगात मल्ल ।
हो सन् २०१२ को हिट फिल्म ‘लुट’ को सिक्वेलमा हाकु काले मात्र होइन अधिकांश कलाकार दोहोरिदैछन् । ‘लुट’ २ को सुटिङ अगावै टिजर भने सार्वजनिक गरिएको छ । फागुन १३ गते दर्शकको मन लुट्न तम्सिएको यो फिल्मको सार्वजनिक टिजरमा हाकु काले अर्थात सौगातलाई निकै प्रायोरिटीका साथ प्रस्तुत गरिएको छ । त्यसो त गोफ्ले अर्थात दयाहाङ राई पनि टिजरमा छाएका छन् ।

यी दुवै जनाको भाग्य यहि फिल्मले बदलिदिएको थियो । अझ भनौ दया र सौगातलाई चिन्नेले सुरुमा ‘लुट’ झट्ट सम्झन्छन् । कलाकारको मात्र होइन निर्देशकको समेत करियरलाई माथि उठाउन सफल ‘लुट’ को कुरा गर्दा केही फरक गर्न रुचाउने युवा निर्देशक निश्चल बस्नेत भुल्न नहुने अर्को नाम हो ।

मंगलबार टिजर सार्वजनिक समारोहलाई सम्बोधन गर्दै निश्चलले भने, ‘लुट फिल्ममा हामीले जे देखाउन खोज्यौ त्यो सन् २०१२ कै सेरोफेरो र घटनामा केन्द्रित थियो । अब लुट २ मा चार वर्ष पछि तिनै पात्रमा बदलिदो समाज सँगै के कस्तो सोच र धारणामा परिवर्तन आयो त्यहि कुरा देखाउने छौ ।’

उनले यो अवधिमा भूकम्प र नाकाबन्दिको सामना गर्नुपरेकाले यो कुरा पनि फिल्ममा अटाउने बताएका छन् । अघिल्लो सिरिजमा बैंक लुट्ने गिरोहले यो पटक बदिलो सोच इच्छा आंकाक्षा सँगै के लुट्ने हुन् त्यसको लागि त फिल्म नै कुर्नुपर्नेहुन्छ ।

फिल्मलाई माधव वाग्ले र नरेन्द्र महर्जनले संयुक्त रुपमा मिलेर निर्माण गर्दैछन् । ‘लुट’ मा सहकार्य गरेर चम्किएका यी दुई बीचमा छुट्टिएका थिए । तर माधव वाग्लेले पुनः विचार मिलेकोले एक भएको बताएका छन् । तथापी नरेन्द्र फिल्म विरण कम्पनी एफडी र माधव पपकर्नमा आबद्ध भएर काम गरिरहेका छन् । यो फिल्मलाई भने पपकर्नले नै वितरण गर्नेछ ।

‘लुट २’ मा सौगात र दयाहाङका अलवा कर्मा, ऋचा शर्मा, सुशील राज पाण्डे, प्रविण खतिवडा, विपिन कार्कीको अभिनय रहनेछ । अन्य कलाकारहरु चयन हुन बाँकी छन् । फिल्मलाई पुरुषोत्तम प्रधानले छायांकन गर्नेछन् । यसअर्थ पहिलाकै टिम यसमा दोहोरिएका छन् ।

पहिलाको जस्तै हिट होला त ?  टिजर हेरेर मुल्याङ्कन गर्नुस्


Leave a Reply

Your email address will not be published. Required fields are marked *

Related News

चलचित्र कोपीलाको इन्डक्ल्याप, निर्मला पन्तको कथा पर्दामा
गरुड पुराण नायिकालाई नाम चेन्ज गर्न सुझाव (भिडियो सहित)
प्रेमलीला रिलिज पोेष्टपोन्ड, कारण यस्तो
गोपीको नयाँ गीत रिलिज, विप्लवको रचनामा शिवको स्वर (भिडियो)