इन्टरनेशनल लेभलका नव निर्देशक जन्मिसके : तुलसी घिमिरे


Filmy Kura, Jun 14, 2016 at 5:39 pm

film darpan chhaya 2आफ्नो जीवन कालमा उत्कृष्ट फिल्म निर्देशन गरी चर्चामा रहेका चलचित्र निर्देशक तुलसी घिमिरेले अहिलेका नव निर्देशक भाइहरुमा इन्टरनेशनल लेभलको फिल्म बनाउन सक्ने खुवी भएको बताएका छन् । उनले नयाँ पुस्ताका निर्देशक र पर्फम गर्ने आर्टिस्टहरु इन्टरनेशनल स्ट्यान्डर्डलाई मिट गर्ने आएको र यो निकै आशा लाग्दो कुरा भएको भनाइ राखेका छन् ।

‘दर्पण छायाँ २’ फिल्म घोषणा कार्यक्रममा बोल्दै उनले भने, ‘अफट्र्याकमा बनेको फिल्म ‘पशुपति प्रसाद’ मेरो लागि पनि भिन्न स्वादको रह्यो । अब फिल्म निर्माण गर्दा साहित्यलाई ध्यान दिउ ।’ आज भन्दा १६ वर्ष अघि निर्माण भएको तुलसी घिमिरे निर्देशित फिल्म ‘दर्पण छायाँ’ को सिक्वेलका रुपमा ‘दर्पण छायाँ २’ निर्माण गर्न लागिएको हो । सोमबार राजधानीमा पत्रकार तथा सञ्चारकर्मी उपस्थित गराई फिल्म निर्माणको औपचारिक घोषणा गरिएको हो ।

यद्धपि निर्देशक तुलसी घिमिरेले भने यो सिक्वेल नभएको बताए । यो दर्पण छायाँको सिक्वेल चाहि होइन उनले थपे, ‘त्यसमा एउटा स्टोरी थियो । यसमा बेग्लै स्टोरी हुनेछ ।’ फिल्मको कथा समेत आफैले लेखेका घिमिरेले २ मा भने साहित्यमा लागेका स्रष्टाको विषय उठान गरिएको जानकारी दिए ।

यो फिल्ममा उनले नयाँ केही प्रतिभालाई चान्स दिएका छन् । डा. लोप्साङ लामा प्रस्तुतकर्ता रहेको यो ‘दर्पण छायाँ २’ मा साबु गदाल कार्की र रबि कार्कीको लगानी रहनेछ । शिव ढकाल र रामेश्वर कार्कीको संयुक्त छायांकन रहने फिल्ममा बरिष्ठ संगीतकार रनजीत गज्मेर र चन्दन लोम्जेलको संगीत, छेडुप लामाको नृत्य निर्देशन रहनेछ ।

फिल्ममा पुस्पल खड्का, साहारा कार्की, श्रद्धा प्रसाई, सरोज खनाल लगायतका कलाकारको अभिनय रहनेछ ।


Leave a Reply

Your email address will not be published. Required fields are marked *

Related News

पल-पूजाको म यस्तो गीत गाउँछु २ ट्रेलर रिलिज (भिडियो)
कमेडी च्याम्पियन टोली देखि भुवन झरनाको नजरमा लभ डायरिज कस्तो ?
सेल्फी किङ्गको भव्य प्रिमियर, फिल्मलाई मिश्रित प्रतिक्रिया (भिडियो सहित)
प्रतिक्षित फिल्म प्रेमगीत ३ को गीत रिलिज, प्रदीप-क्रिष्टिनाको फरक अवतार