फ्राइडे रिलिजमा लुकामारी र रिलेसन


Filmy Kura, Jun 24, 2016 at 2:12 pm

2 filmआज शुक्रबार देखि दुई नेपाली फिल्म रिलिज भएका छन् । ती दुई फिल्म हुन् रिलेसन र लुकामारी । दुई भिन्न स्वाद बोकेका फिल्मले शुक्रबार बिहानी शो मा नर्मल ओपनिङ गरेका छन् । कुरा सुरु रिलेसनबाट गरौ ।

सोसियल ड्रामा रिलेसनले खेल र समाजको कुरालाई प्रस्तुत गर्न खोजेको छ । तेक्वान्दो खेल आत्मरक्षाका लागि मात्र नभई समाजको सुरक्षाको लागि समेत अचुक बन्न सक्छ भन्ने सन्देश बोकेको यो फिल्मलाई दीपेन्द्र दाहालले निर्देशन गरेका हुन् । करिब डेढ दशक फिल्म क्षेत्रमा बिताएका दीपेन्द्र कमर्सियल फिल्म भन्दा चेतनामुलक फिल्ममा बढी लागिपरेका छन् । तेक्वान्दो खेलाडी समेत रहेका यूएस निवासी नेपाली नागरिक दिवाकार महर्जनले यो फिल्ममा लगानी लगाएका छन् । जो यो फिल्मका मुख्य कलाकार समेत हुन् । उनकै पहलमा अमेरिकी शहरमा समेत यो फिल्मको शो केही समय अघि गरिएको थियो । फिल्ममा दिवाकार सहित गीता अधिकारी सुशील पोखरेल लगायतका कलाकारले अभिनय गरेका छन् ।

उता रिलेसन सँगै देखा परेको अर्को फिल्म हो लुकामारी । बुधबार फिल्मको पोखरा स्थित सिनेप्लेक्स हलमा प्रिमियर गरिएको थियो । राजधानीबाट प्रिमियर शो मा सहभागी हुन केही चलचित्र पत्रकार तथा फिल्म निर्माण यूनिट पोखरा गएको थियो । श्रीराम दाहाल निर्देशित फिल्म कमेडी र सस्पेन्सले भरिएको छ । फिल्ममा सौगात मल्ल, कर्मा शाक्य, सुरविना कार्की र रिस्ता बस्नेतको प्रमुख भूमिका दर्शकले पर्दामा हेर्न पाउनेछन् । रिलिज पूर्व सौगात र कर्माको संवाद अनि गेटअपको चर्चा कै कारण अधिकांश दर्शक हल पुगेको पाइएको छ ।


Leave a Reply

Your email address will not be published. Required fields are marked *

Related News

पल-पूजाको म यस्तो गीत गाउँछु २ ट्रेलर रिलिज (भिडियो)
कमेडी च्याम्पियन टोली देखि भुवन झरनाको नजरमा लभ डायरिज कस्तो ?
सेल्फी किङ्गको भव्य प्रिमियर, फिल्मलाई मिश्रित प्रतिक्रिया (भिडियो सहित)
प्रतिक्षित फिल्म प्रेमगीत ३ को गीत रिलिज, प्रदीप-क्रिष्टिनाको फरक अवतार