पत्रकार सामु कलाकार पात्रमा प्रस्तुत, साउन मै भगाउदैछ झिल्केले सुन्तली


Filmy Kura, Jun 26, 2016 at 6:41 pm

surjani kc-susil sitaula-filmykraप्राय प्रेस मिटमा फिल्मका कलाकार औपचारिकता मै बाधिन चाहान्छन् तर एक फिल्मका कलाकार भने पत्रकार टोलीसँग पात्रमा प्रस्तुत भएका छन् । ‘सुन्तलीलाई भगाई लग्यो झिल्केले’ नामक फिल्मले आज गरेको प्रेस मिटमा कलाकारलाई पात्र सहित प्रस्तुत गरेर केही नयाँ प्रयोग गरेको छ ।

13511003_1123866764342437_3936988954915286426_n साउन २१ रिलिज फिल्मका लाहुरे अर्थात कलाकार शिशिर भण्डारी कम्मरमा खुकुरी र काँधमा रेडियो भिरेर स्टेज उक्लिए अनि भने, ‘लाहुरे परियो मिठो मिठो चाख्ने बानी परेको छ ।’ उनले क्रमश सुन्तली, झिल्के अनि बलेलाई स्टेजमा डाके । यी फिल्मका कलाकार पात्रमा प्रस्तुत भए । टिपिकल नेपाली फिल्म जसले ३० वर्ष अगाडिको कल्चरलाई कमेडी ढंगबाट पस्कन खोजेको छ । मन र मुटु मिलेपछि अर्काको श्रीमती भगाउने परम्परालाई फिल्मले देखाउन खोजेको छ ।

सुन्तलीको भूमिकामा कलाकार सुरजनी केसी र झिल्केको रोलमा कलाकार सुशील सिटौलाले अभिनय गरेका छन् । यता पहिलो पटक फिल्ममा डबल रोलमा देखिएका छन् कलाकार सुशान्त कार्की । रीजा भुषाल फिल्मकी अर्की कलाकार हुन् ।

सबै कलाकारले फिल्म एकपटक हेरिदिन आग्रह गरे । पत्रकार भेटघाटमा फिल्मको प्रोमो र टाइटल सङ देखाइएको थियो । हुन त विवाहका लागि साउन महिना लगन नजुर्ने महिना हो तर अर्काको श्रीमती भगाउने चाहि उयुक्त समय हो भन्दा फरक पर्दैन किनकी यो फिल्मको टाइटल अनुसार साउन रिलिजले त्यहि संकेत गर्छ ।

फिल्मलाई ऋषिराज आचार्यले निर्देशन गरेका हुन् । यस अघि ‘मिस्टेक’ र ‘सपना तिम्रो मेरो’ निर्देशन गरेका आचार्यको यो तेस्रो फिल्म हो ।


Leave a Reply

Your email address will not be published. Required fields are marked *

Related News

पल-पूजाको म यस्तो गीत गाउँछु २ ट्रेलर रिलिज (भिडियो)
कमेडी च्याम्पियन टोली देखि भुवन झरनाको नजरमा लभ डायरिज कस्तो ?
सेल्फी किङ्गको भव्य प्रिमियर, फिल्मलाई मिश्रित प्रतिक्रिया (भिडियो सहित)
प्रतिक्षित फिल्म प्रेमगीत ३ को गीत रिलिज, प्रदीप-क्रिष्टिनाको फरक अवतार