शर्मिलाले घोषणा गरिन् तर्साउने घर, अर्पणले गर्नेछन् निर्देशन


Filmy Kura, Dec 28, 2018 at 1:19 pm


शर्मिला पाण्डेले हरर जनराको चलचित्र ‘घर’ को निर्माण घोषणा गरेकी छिन् । बिहीबार काठमाडौंमा पत्रकार सम्मेलन गरी उनको निर्माणमा डिएस डिजिटलको प्रस्तुति रहने गरी ‘घर’ को औपचारिक घोषणा गरिएको हो ।

सन्तोष अधिकारी सह– निर्माता रहेको यस चलचित्रलाई अर्पण थापाले निर्देशन गर्नेछन् । उनले यस अघि हरर जनराको चलचित्र ‘सुनकेशरी’ निर्देशन गरेका थिए । तर उक्त चलचित्रले अपेक्षाकृत रिजल्ट भने दिएन । त्यसो त नेपालमा हरर जनराको चलचित्रको मार्केट खासै बनिसकेको छैन । हाल यस चलचित्रमा कलाकार अर्पण थापा मात्र फाइनल भएका छन् । अन्य कलाकारको खोजी भइरहेको निर्माण यूनिटले जनाएको छ ।

डिएस डिजिटलमा व्यानरमा निर्देशक दीपेन्द्र के खनाल र नायक सुरज पाण्डे आबद्ध रहेका छन् । शर्मिला पाण्डेले यस अघि दुई चलचित्र ‘लभ लभ लभ’ र ‘चङ्गा चेट’ मा लगानी गरेकी थिइन । दुवै फिल्मले बक्स अफिसमा कमजोर व्यापार गरेपनि उनी लगातार फिल्म भने बनाइ नै रहेकी छिन् । माघ महिनाबाट ‘घर’ को छायांकन सुरु गरिने जनाइएको छ ।


Leave a Reply

Your email address will not be published. Required fields are marked *

Related News

अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?
चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)