चलचित्र कोपीलाको इन्डक्ल्याप, निर्मला पन्तको कथा पर्दामा


Filmy Kura, Jan 14, 2019 at 6:42 pm


बलात्कार पछि हत्या गरिएकी बालिका निर्मला पन्तको कथामा एक फिल्म निर्माण गरिएको छ । फिल्मको नाम हो ‘कोपीला’ । सोमबार चितवनमा एक कार्यक्रमको आयोजना गरी यो फिल्मको छायांकन सम्पन्न भएकोे जानकारी दिइएको हो ।


कन्चनपुरकी निर्मलाको हत्या अझै रहस्यमय नै छ । बलात्कारी र हत्यारा अझै पत्ता लाग्न नसकिरहेको अवस्थामा सेन्सेटिभ विषय उठान गर्दै फिल्म निर्माण गरिएको हो । चलचित्रलाई शिवम अधिकारीले लेखन तथा निर्देशन गरेका छन् । समारोहमा बोल्दै उनले भने, ‘स्व. निर्मलाको बलात्कार र हत्या पछि सिर्जित सामाजिक स्थिती र हाल सम्मको अवस्था फिल्ममा चित्रण गरेका छौ । हत्यारा पत्ता नलाग्दा राजनैतिक चलखेल र पन्त परिवारमा परेको मनोवैज्ञानिक परिस्थितीलाई पनि देखाउने प्रयास गरेका छौ ।’ चलचित्रको प्रमुख पात्र निर्मला अर्थात ‘कोपीला’ को भूमिकामा संजीवनी खरेललाई फिचर गरिएको छ ।

गणेश गिरी प्रस्तुत यस चलचित्रलाई मणिराज गौतम र करुणा घिमिरेले संयुक्त रुपमा निर्माण गरेका हुन् । फिल्ममा सरिता गिरी, गणेश गिरी, ऋद्धिचरण श्रेष्ठ, अस्मिन घिमिरे, अस्मिता जुरेली, प्रतिक्षा खड्का लगायतका कलाकारको अभिनय रहेको छ ।


Leave a Reply

Your email address will not be published. Required fields are marked *

Related News

साथीको महत्व झल्काउने वीर विक्रम २ ट्रेलर सार्वजनिक (भिडियो सहित)
टिका र राजको स्वरमा याद सार्वजनिक (भिडियो सहित)
बीर विक्रम २ को दोस्रो गीत रिलिज, पल–वर्षा फिचर (भिडियो)
गोपीकृष्ण हलमा घेरिए सलोन, यात्रा मन पराए दर्शकले