रातो टीका निधारमा फिल्मको गीत रिलिज, डेव्यु हिरो अंकितको खुलेन एक्सप्रेसन (भिडियो)


Filmy Kura, Aug 8, 2019 at 8:10 pm


नेपालीहरुको महान चाड बडा दशैंलाई रिलिज लक्ष्य राखेको चलचित्र ‘रातो टीका निधारमा’ को पहिलो अफिसियल गीत सार्वजनिक गरिएको छ । बिहीबार काठमाडौंमा पत्रकार सम्मेलन गरी सार्वजनिक गरिएको लभ सङ्गमा निशान भट्टराई र अश्मिता अधिकारीको स्वर रहेको छ । कल्याण सिंहको संगीत रहेको गीतलाई रवि मल्ले रचना गरेका हुन् ।

यसै फिल्मबाट अंकित शर्माले नायकको रुपमा डेब्यु गरेका छन् । निर्माता, निर्देशक तथा कलाकार अशोक शर्माका छोरा हुन् अंकित । सार्वजनिक गीतमा डेब्यु हिरो अंकित र हिरोइन साम्राज्ञीराज्य लक्ष्मी शाह फिचर्ड छन् । गीतमा अंकितले एक्सप्रेसन अझ खुलेर दिन नसकेको देख्न सकिन्छ । सायद क्यामेरासँग फेमिलियर नभएर पनि हुन सक्छ । गीतमा मायाको वर्णन गरिएको छ । सारीमा सजिएकी साम्राज्ञीलाई भने अझ सुन्दर देखिएको छ ।

अशोक शर्माको लेखन तथा निर्देशन रहेको यस चलचित्रमा साम्राज्ञी र अंकितको अलवा बुद्धिराम तामाङ, रविन्द्र कुमार झा, शिवहरि पौडेल, नीता ढुंगाना, खुश्वु खड्का, लक्ष्मी गिरी, अरुणा कार्की, बसुन्धरा भुषाल, राजाराम पौडेल, जयनन्द लामा लगायतको अभिनय रहेको छ । किरण शर्मा र कृति शर्माको लगानीमा तयार यस चलचित्रमा पुरुषोत्तम प्रधानको छायांकन तथा मित्र डि गुरुङको सम्पादन रहेको छ ।


Leave a Reply

Your email address will not be published. Required fields are marked *

Related News

जगदिश तिवारीको हातबाट सीबी माउन्ट फ्रेमको शुभारम्भ, अनुपम ब्राण्ड एम्बेसडर
अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?