साईनो हेरेपछि उपप्रधानमन्त्री पोखरेलले भने, ‘कथा मन छुने रहेछ’


Filmy Kura, Aug 9, 2019 at 12:27 pm


उपप्रधान तथा रक्षामन्त्री ईश्वर पोखरेलले शुक्रबार एका बिहानै चलचित्र ‘साईनो’ हेरेका छन् । आजैदेखि देशभरका सिनेमा घरमा प्रदर्शनमा आएको चलचित्रको विशेष शो हेरेपछि उपप्रधान तथा रक्षामन्त्री पोखरेलले यस चलचित्रको कथा निकै मन छुने रहेको प्रतिक्रिया दिए ।

त्रिकोणात्मक प्रेमकथामा आधारित चलचित्रमा वैदेशिक रोजगारिका लागि महिला बेचिने, ठगिने देखि अन्य कुरालाई पनि चित्रित गरिएको छ । यसै सन्दर्भमा पछिल्लो समय यो समयस्याले मूल जरो गाडेर बसेको छ नि भन्ने प्रश्नमा उनले भने, ‘हो फिल्ममा उठान गरिए झै वैदेशिक रोजगारका सिलसिलामा बाहिर जादा धेरै महिला तथा पुरुषको भनिए अनुसार काम नभएको, धेरै दुख आइपरेको सुनिन आएको छ । त्यस्ता दुःख कष्ट परेकालाई राज्यले स्वेदश फिर्ताको लागि समन्यवकारी भूमिका खेलिरहेको छ ।’ टिपिकल कथामा वस्तुमा आधारित यो चलचित्र आफूलाई पोखरेलको भनाइ थियो । उनले फिल्मकी प्रस्तुतकर्ता तथा कलाकार भुवन थापाको प्रशंसा गरे । नेपालको प्रथम नायिका समेत रहेकी भुवन निर्मित यो चलचित्रलाई रमेश थापाले निर्देशन गरेका हुन् ।


यता निर्देशक तथा अभिनेत्री दीपाश्री निरौलाले ५३ वर्षदेखि फिल्म क्षेत्रमा अहोरात्र लागिपरेकी भुवन थापाको फिल्म साच्चै राम्रो बनेको भनाइ राखिन् । सबै कलाकारको काम मन परेको भन्दै उनले भुवन थापालाई फिल्म निर्माणमा आएकोमा सेलुट गरिन् । कलाकार थापाले लामो समय अभिनय क्षेत्रमा व्यतित गरेपछि पहिलो निर्माण स्वरुप ‘साईनो’ बनाएकी हुन् । कलाकार नवल खड्काले चलचित्र राम्रो लागेको भन्दै यस्तै फिल्म अरुपनि बन्नुपर्ने बताए । निर्मात्री तथा अभिनेत्री भुवनले ‘साईनो’ फिल्म हेर्दा श्रीमान माइकल चन्दको याद आएको बताइन् ।


चलचित्रमा मिरुना मगर, राजकुमार, नीता ढुंगाना, बिशाल पहाडी, राजा राजेन्द्र पोखरेल लगायतका कलाकारको प्रमुख भूमिका रहेको छ । मिरुनाले ग्रामिण परिवेशको सोझी महिलाको भूमिका निर्वाह गरेकी छिन् । यता नीताको क्यारेक्टर भने केही बोल्ड देखिएको छ । डेव्यु हिरो राजकुमार फिल्मबाट प्राप्त प्रतिक्रियाले खुसी देखिए । राजा राजेन्द्रले चलचित्र समग्रमा दर्शकलाई चित्त बुझ्ने भन्दै एकपटक हेरिदिन आग्रह गरे । निर्देशक रमेश थापाले आफ्नो तर्फबाट चलचित्रलाई उत्कृष्ट बनाउन पूर्ण कोसिस गरेको भन्दै बाँकी सबै दर्शकको हातमा रहेको बताए ।

शरण थापा कार्यकारी निर्माता रहेको यस चलचित्रलाई बिहानी शोमा सञ्चारकर्मी, चलचित्रकर्मी, राजनितीकर्मी र आम दर्शकले एकसाथ पर्दामा हेरेका हुन ।


Leave a Reply

Your email address will not be published. Required fields are marked *

Related News

जगदिश तिवारीको हातबाट सीबी माउन्ट फ्रेमको शुभारम्भ, अनुपम ब्राण्ड एम्बेसडर
अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?