चलचित्र हजार जुनीसम्मको टाइटल सङ रिलिज, आयुषको स्वरमा गीत बन्यो यस्तो (भिडियो)


Filmy Kura, Aug 11, 2019 at 4:45 pm


चलचित्र ‘हजार जुनीसम्म’ को टाइटल सङ रिलिज गरिएको छ । यो गीतको ओर्जिनल सिङ्गर उदय सोताङ हुन् भने फिल्मको लागि उहि शब्द तथा संगीतमा बाल गायक आयुष केसीले स्वर भरेका छन् । भारतको चर्चित गायन रियालिटी शो ‘सारेगमप लिटिल च्याम्प्स’ को चौथो हुन सफल आयुषको स्वरमा गीत निकै राम्रो बनेको छ ।

गीतको बिच बिचमा नायक आर्यन सिग्देलको डायलगलाई समेत राखिएको छ । मायाको खोजिको रहेका आर्यनको दुई फरक चरित्र फिल्ममा देख्न सकिन्छ । पवन चाम्लिङको शब्दमा महेन्द्र घतानी संगीतबद्ध गीतको हाल लिरिकल भिडियो सार्वजनिक गरिएको हो । यो चलचित्र यहि साउन ३० गते सार्वजनिक प्रदर्शनमा आउँदैछ । प्रेमकथानक यस चलचित्रमा आर्यन सिग्देल, स्वस्तिमा खड्का, अखिलेश प्रधान, सलोन बस्नेत, प्रियंका कार्की, शिवहरि पौडेल, सन्चिता लुइँटेल, अनुभव रेग्मी लगायतका कलाकारले अभिनय गरेका छन् । प्रेममय चलचित्र बनाउन माहिर बिकासराज आचार्यले यो फिल्मको लेखन तथा निर्देशन गरेका हुन् । लेखनमा बिकासलाई चलचित्र पत्रकार सामिप्यराज तिमिल्सिनाले सघाएका छन् ।

यस अघि ‘नाई नभन्नु ल’ को सिरिजबाट आफ्नो बेग्लै पहिचान बनाएका निर्देशक आचार्य ‘हजार जुनीसम्म’ बाट पनि उस्तै दर्शक माया बटुल्ने दाउमा छन् । कविता रेग्मी कार्यकारी निर्माता रहेको यस चलचित्रलाई पुरुषोत्तम प्रधानले खिचेका हुन् ।


Leave a Reply

Your email address will not be published. Required fields are marked *

Related News

जगदिश तिवारीको हातबाट सीबी माउन्ट फ्रेमको शुभारम्भ, अनुपम ब्राण्ड एम्बेसडर
अनमोलको आठौं फिल्म एन्टी हिरो, २०२० मा रिलिज हुने
कबड्डी कबड्डी कबड्डीको शीर्ष गीत रिलिज, पन्चेबाजाको मिश्रणमा जोडियो र्‍याप
साइनोलाई मिल्दै दर्शक साथ, कस्तो गर्दैछ त व्यापार ?