रातो टीका निधारमाको ट्रेलर रिलिज, वैदेशिक रोजगारको कथा (भिडियो)


Filmy Kura, Sep 3, 2019 at 6:12 pm


चलचित्र ‘रातो टीका निधारमा’ को अफिसियल ट्रेलर रिलिज गरिएको छ । वैदेशिक रोजगारको कथावस्तु माथि निर्माण गरिएको यो फिल्मको ट्रेलर मंगलबार डिजिटल पार्टनर ओ.एस.आर युट्युब च्यानलबाट सार्वजनिक गरिएको हो ।

घरदेश छोडी रोजगारीको लागि परदेश जानु पर्ने बाध्यात्मक स्थिती चित्रण गरिएको ट्रेलरमा कमेडी र लभको समेत समिश्रण छ । आगामी दशै अर्थात असोज १० गतेलाई प्रदर्शन मिति तय भएको यो चलचित्रलाई अशोक शर्माले लेखन तथा निर्देशन गरेका हुन् । चलचित्रमा साम्राज्ञी राज्यलक्ष्मी शाह, अंकित शर्मा, बुद्धि तामाङ, रविन्द्र झा, नीता ढुंगाना, खुश्वु खड्का, लक्ष्मी गिरी, अरुणा कार्की, शिवहरि पौडेल, राजाराम पौडेल लगायतका कलाकारको मुख्य अभिनय रहेको छ । यसै फिल्मबाट अंकित हिरोको रुपमा उदाएका छन् जो यो चलचित्रका निर्देशक अशोकका आफ्नै पुत्र हुन् ।

चलचित्र ‘अल्लारे’ मा समावेश ‘रातो टीका निधारमा’ बोलको गीतलाई रिमेक गर्दै यो चलचित्रमा राखिएको छ । शम्भुजित बास्कोटा संगीतबद्ध रिमेक भर्सनमा भने प्रमोद खरेल र मेलिना राईको आवाज रहेको छ । यस अघि फिल्मको ‘मेरो माया के हो’ बोलको गीतलाई भने दर्शकले १६ लाख भन्दा बढी पटक युट्युबमा हेरिसकेका छन् । ए ए ग्रुप अफ कम्पनिज् प्रस्तुत यो चलचित्रमा किरण शर्मा र कृति शर्माको लगानी रहेको छ । पुरुषोत्तम प्रधानको छायांकनमा मित्र डि गुरुङ सम्पादित फिल्ममा कल्याण सिंहको संगीत संयोजन तथा बसन्त श्रेष्ठको नृत्य निर्देशन रहेको छ ।


Leave a Reply

Your email address will not be published. Required fields are marked *

Related News

फिल्म गोर्खेको गीत रिलिज (भिडियो सहित)
मारुनीको एक साताको कमाई यस्तो, स्टारकास्ट भन्दा कन्टेन्टमा दर्शकको विश्वास
सौगात-श्रृष्टि स्टारर पोइ पर्‍यो काले फिल्मको शीर्ष गीत रिलिज (भिडियो)
नायक किशोरको एक्सनले भरिएको शिवा ट्रेलर सार्वजनिक (भिडियो)