सौगात-श्रृष्टि स्टारर पोइ पर्‍यो काले फिल्मको शीर्ष गीत रिलिज (भिडियो)


Filmy Kura, Sep 8, 2019 at 5:08 pm


कलाकार सौगात मल्ल र श्रृष्टि श्रेष्ठ स्टारर चलचित्र ‘पोइ पर्‍यो काले’ को पहिलो गीत रिलिज गरिएको छ । आइतबार काठमाडौंमा आयोजित एक कार्यक्रमका बीच फिल्मको शीर्ष गीत सार्वजनिक गरिएको हो ।

रोमान्टिक गीतमा अन्जु पन्त र रामचन्द्र काफ्लेले स्वर दिएका छन् । नृपेश उप्रेतीको शब्दमा अर्जुन पोखरेलले मिठास पूर्ण संगीत भरेका छन् । निकै साज सज्जा सहित सुट गरिएको भिडियोमा सौगात–श्रृष्टि सहित आकाश श्रेष्ठ, पूजा शर्मा, सुरक्षा पन्त र सोहित मानन्धरलाई फिचर गरिएको छ । यि चारको मुख्य भूमिका फिल्ममा रहेको छ । रामजी लामिछानेको कोरियोग्राफीमा तयार भएको गीतमा सौगात र पूजा जोडीको रुपमा देखिएका छन् । रेड बर्ड प्रोडक्सनका लागि किरण नेपाली प्रस्तुत यो चलचित्रलाई शिशिर राणाले लेखन तथा निर्देशन गरेका हुन् । समारोहलाई सम्बोधन गर्दै लेखक तथा निर्देशक राणो फिल्म रमाइलो तथा सन्देशमूलक बनेको दाबी गरे । सोसियल ड्रामामा आधारित यो चलचित्र दर्शकलाई मन पर्ने उनको विश्वास थियो । यता कलाकार श्रृष्टिले पोइ शब्द झट्ट सुन्दा नेगेटिभ जस्तो लागेपनि गलत अर्थले नबुझिन दिन आग्रह गरिन् । उनले श्रीमान वा पोइ भन्दा इन्टेन्शन गलत राखियो भने जति सुकै राम्रो शब्द प्रयोग भएपनि खराबै हुने भन्दै हेर्ने नजर सुरुमा राम्रो हुनुपर्ने बताइन् । कलाकार सौगातले फिल्ममा आफ्नो तर्फबाट राम्रो गर्ने प्रयास भरमग्दुर गरेको सुनाए । निर्माता किरणले पैसा कमाउनको लागि भन्दा पनि राम्रो कन्टेन्ट भएकाले लगानी गरेको भन्दै सिनेमा दर्शकलाई चित्त बुझ्ने भनाइ राखे ।

किरणसँगै फिल्ममा राजिव गुरुङ ‘दीपक मनाङ्गे’, सरोज नेपाली र अमला देवी राईको लगानी रहेको छ । शिव ढकालको छायांकनमा तारा थापा किम्भे सम्पादित यो चलचित्र आगामी दीपावली अर्थात कात्तिक ८ गतेबाट सिनेमा घरमा प्रदर्शन हुँदैछ ।


Leave a Reply

Your email address will not be published. Required fields are marked *

Related News

माछा माछा फिल्मको म्याडम गीत रिलिज (भिडियो)
दि कर्मा माघ १७ मा प्रदर्शन हुने
सेल्फी किङको फस्टलुक सार्वजनिक, विपिनको गाजले अवतार
१२ सत्ताईस फिल्मको ट्रेलर रिलिज, पैसाको लागि दौडिने युवाको कथा पर्दामा (भिडियो)