मारुनीको एक साताको कमाई यस्तो, स्टारकास्ट भन्दा कन्टेन्टमा दर्शकको विश्वास


Filmy Kura, Sep 8, 2019 at 6:34 pm


चलचित्र ‘मारुनी’ यतिबेला दोस्रो सातामा प्रदर्शन भइरहेको छ । दर्शकलाई चासो फिल्मले पहिलो साता कति कलेक्शन गर्न सफल रह्यो भन्नेमा छ ।

यसैबीच, निर्माण यूनिटले फिल्मको पहिलो साताको ग्रस कलेक्शन सार्वजनिक गरेको छ । पहिलो सातामा नेपालभरबाट जम्मा १ करोड ८५ लाख रुपैयाँ फिल्मले कलेक्शन गरेको निर्मात्री पुनम गौतमले जानकारी दिएकी छिन् । उनले फिल्मीकुरासँग संवाद गर्दै भनिन्, ‘साहो जस्तो ठूलो बलिउडको फिल्मको कारण मारुनी चेपुवामा पर्न गयो । मल्टिप्लेक्समा पर्याप्त शोज पाइएन तथापी फिल्मको उपत्यकाबाट १ करोड २० लाख र मोफसलबाट ६५ लाख कलेक्शन भएको छ ।’ उनले फिल्मको लगानी १ करोड माथि रहेको भन्दै दोस्रो साता सम्मको टोटल कलेक्शनबाट बल्ल आफू सेफमा रहने सम्भावना देखिएको बताइन् ।


फिल्मको कन्टेन्ट दरिलो भएका कारण दोस्रो सातामा समेत दर्शक हल आउने बातावरण बनेको उनको दाबी थियो । यो चलचित्र स्टारडम र स्टारकास्टको कारण चलेको नभई कन्टेन्ट मन परेकाले दर्शकले साथ दिएको निर्मात्री पुनमको बुझाई छ । यस अघि ‘अझै पनि’ निर्माण गरेकी पुनमले उक्त चलचित्र पछि केही समय ग्याप लिएर ‘मारुनी’ बनाएकी थिइन् । यो बीचमा राम्रो टिम छनोट गरेर स्क्रिप्ट देखि अन्य प्राविधिक पक्षमा उनले निकै मिहेनत गरेकी थिइन् ।

नवल नेपाल निर्देशित ‘मारुनी’ मा पुष्पल खड्का, साम्राज्ञी राज्यलक्ष्मी शाह र रेविका गुरुङको प्रमुख भूमिका रहेको छ ।


Leave a Reply

Your email address will not be published. Required fields are marked *

Related News

फिल्म गोर्खेको गीत रिलिज (भिडियो सहित)
सौगात-श्रृष्टि स्टारर पोइ पर्‍यो काले फिल्मको शीर्ष गीत रिलिज (भिडियो)
नायक किशोरको एक्सनले भरिएको शिवा ट्रेलर सार्वजनिक (भिडियो)
रातो टीका निधारमाको ट्रेलर रिलिज, वैदेशिक रोजगारको कथा (भिडियो)