फिल्म घामड शेरेको ट्रेलर रिलिज, पर्दामा निश्चल-स्वस्तिमा साली-भेना


Filmy Kura, Oct 14, 2019 at 3:56 pm


रियल लाइफमा श्रीमान–श्रीमतीको सम्बन्ध गासेका निश्चल बस्नेत र स्वस्तिमा खड्का साली–भेनाको रुपमा प्रस्तुत भएका छन् । रियल जोडी रिलमा भने साली–भेनाको रुपमा प्रस्तुत चलचित्र हो ‘घामड शेरे’ । सोमबार काठमाडौंमा एक कार्यक्रमका बीच यो चलचित्रको ट्रेलर रिलिज गरिएको हो ।

वास्तविक जीवनमा भने आफू घामड नभएको तर कतिपयलाई त्यस्तो लाग्ने गरेको कलाकार निश्चलको तर्क थियो । पर्दामा आफ्नै बुढीलाई साली भन्दा रमाइलो लागेको घटना उनले सुनाए । यता नायिका स्वस्तिमाले भने बुढालाई भिनाजु भन्न अप्ठेरो लागेको भन्दै सुटिङ सेटमा टेक खाएको स्मरण गरिन् । सोसियल ड्रामा तथा डार्क ह्युमर जनरामा आधारित यो चलचित्रको लेखक तथा निर्देशक हेमराज विसी हुन् । उनले फिल्म सुट गर्दा सुर्खेतको गर्मी क्षण सम्झदै हरतरहबाट ‘घामड शेरे’लाई राम्रो बनाउन मिहेनत गरिएको बताए ।

यो चलचित्र आगामी कात्तिक ८ गते सार्वजनिक प्रदर्शनमा आउँदैछ । तिहार लक्षित चलचित्रको प्रचार प्रसारलाई अझ व्यापक बनाउने काममा निर्माण यूनिट जुटेको छ । चलचित्रमा निश्चल–स्वस्तिमाको अलवा गौरी मल्ल, सुष्मा निरौला, बादल भट्ट, लोकेन्द्र लेखक, रोयदिप, सरोज अर्याल लगायतको अभिनय रहेको छ । चलचित्रमा सिमोस सुनुवार र स्वयम निर्देशक विसीको लगानी रहेको छ । नरेन्द्र मैनालीको छायांकन रहेको चलचित्रलाई सुरेन्द्र पौडेलले सम्पादन गरेका हुन् ।


Leave a Reply

Your email address will not be published. Required fields are marked *

Related News

माछा माछा फिल्मको म्याडम गीत रिलिज (भिडियो)
दि कर्मा माघ १७ मा प्रदर्शन हुने
सेल्फी किङको फस्टलुक सार्वजनिक, विपिनको गाजले अवतार
१२ सत्ताईस फिल्मको ट्रेलर रिलिज, पैसाको लागि दौडिने युवाको कथा पर्दामा (भिडियो)